भद्रपुरमा सुविधासम्पन्न सहकारी पसल सञ्चालनमा

Image

Spread the love
  •  
  •  
  •  
  •  
  •  

भद्रपुर, २३ असार । झापा भद्रपुर नगर क्षेत्रका उपभोक्तालाई मध्यनजर गर्दै सुविधा सम्पन्न सहकारी पसलको एक कार्यक्रमको बीच उद्घाटन गरिएको छ ।

भद्रपुर नगरपालिका ८ सगरमाथा चोकमा रहेको पहिलो पाइला कृषि सहकारी संस्थाद्धारा सञ्चालित एग्रो मार्ट र एग्रो मिट पसल सञ्चालनमा आएको हो । सञ्चालनमा आएको दुवै पसललाई इजरायलका राजदुत यारोन मायेरले उद्घाटन गरेका छन् ।

उद्घाटन कार्यक्रमलाई सम्बोधन गर्दै इजरायलमा गएर कृषि क्षेत्रमा अध्ययन गरि नेपाल फर्किएपछि केकस्तो काम गरिरहेका छन् भनि बुझ्न यहा आएको राजदुत मायेरले बताए । पहिलो पाइला कृषि सहकारीले गरेको कामलाई देखेर आफु ज्यादै खुशी भएको उनको भनाई छ । इजरायल भनेको कृषिको लागी विकसित देश भएको उल्लेख गर्दै नेपालवाट कृषिका लागीगएका व्यत्तिलाई अध्ययनको राम्रो अवसर रहेकोले सिकेको सीपलाई व्यवहारमा पालना गर्नु पहिलो काम रहेको उनले बताए । मायेरले वातानुकुल कोठालाइ रिवन काटेर पसलको अवलोकन गरेका थिए । एउटा कोठामा दैनिक उपभोग्य वस्तु र अर्कोमा मासु कक्ष बनाइएको छ ।

कार्यक्रमको औचित्यमाथी संस्थाका सदस्य रमेश भट्टराइले प्रष्ट पारेका थिए । खेतिको लागी औजार, मल विउ लगायत चाहिने सामग्री सहकारीवाट उपलब्ध गराइने साथै किसानले उत्पादन गरेको जति पनि वस्तु खरिद गर्ने भट्टराइले बताए । आफुले उत्पादन गरेका वस्तु विचौलियाले फाइदा लिइ किसानलाई मार्का परेकोले अव देखि उत्पादित वस्तुलाई सिधै सहकारीमा ल्याउन अनुरोध समेत गरेका थिए । कार्यक्रममा इजरायलमा रहेर एक वर्ष कृषि अध्ययन गरि फर्केर सहकारीमा काम गरिरहेका रमेश भट्टराई, विरेन गुरागाँइ,निर्मल दहाल, इनसार मगर, मिलन राजवंशी, सञ्जय गिरी, कमला गिरी, गंगा खरेल लगायत १३ जनालाई सहकारीले कदर पत्रसहित सम्मान गरेको थियो ।

सहकारीको शेयर सदस्यको दिगो आर्थिक विकासको लागी मध्यनजर गर्दै हाल करिब १५ लाखको लागतमा सहकारी पसल सञ्चालन गरिएकोका अध्यक्ष सनिप भुजेलले बताए । कृषिसंग सम्बन्धित सामाग्रीहरुको लागी एकै ठाउमा उपलब्ध गराउने उदेश्यले पसलको सञ्चालन गरिएको भुजेलको भनाई छ ।

सहकारीले धान, मकै, तोरी, गहुँ आदि कृषिमा आवश्यक औजारको व्यवस्था भएको तथा सहुलियत दरमा कृषकलाई औजार सामाग्री भाडामा समेत उपलब्ध गराइने भुजेलको भनाई छ ।

संस्थाकी व्यवस्थापक पवित्रा बस्नेतले स्वागत गरेको कार्यक्रममा स्थानीय विकास अधिकारी खेमराज ओझा,प्रेस क्लब भद्रपुरका अध्यक्ष गोविन्द चन्द्र क्षेत्री,पुर्व न्यायाधीश नन्दलाल पौडेल लगायतको उपस्थिती रहेको कार्यक्रमको पत्रकार लीला अनमोलले सञ्चालन गरेकी थिइन् ।

तपाईको प्रतिक्रिया

Admin
दमक, झापा  
Image
Image
Image

© 2018 Sajilokhabar.com  | Powered by DreamSYS IT Solution