भद्रपुरमा तीन दिने ढाका इभेन्ट दशै मेला फेशन शो हुदै

Image

Spread the love
  •  
  •  
  •  
  •  
  •  

भद्रपुर, भदौ १९ । झापा जिल्लाका युवतीलाई लक्षित गर्दै झापाको भद्रपुरमा तीन दिने ढाका इभेन्ट दशै मेला फेशन शो हुन लागेको छ ।

ढाका इभेन्ट नामक कम्पनीले यही असोज ५ देखि ७ गते सम्म भद्रपुरको आनी होटल परिसरमा दशै मेला फेशन शो आयोजना गर्न लागेको सोमबार पत्रकार सम्मेलन गर्दै आयोजक समितिले जनाएको छ ।

युवतीसंग भएको क्षमता र प्रतिभालाई समाजसंग परिचित गराई राष्ट्रको निम्ति योगदान पुर्याउने उदेश्य राखेर कार्यक्रम सञ्चालन गर्न लागेको ढाका इभेन्टकी सञ्चालिका भुमिका चौधरीले बताइन् ।

यँहाका युवतीहरुमा इच्छा, चाहना मन भित्रै रहेका हुन्छन । उनीहरु भित्र रहेका कलाकृतिहरु दर्शाउने स्थान पाएका हुदैनन । ती इच्छाहरुलाई जागृत गराउन हामीले पहिलो पटक पुर्वको झापाको भद्रपुर शहर रोजेको सञ्चालिका चौधरीले बताए। यस फेसन शो मार्फत नेपालको पहिचान ढाका पोशाकलाई समेत अगाडि बढाउने अर्को महत्वपुर्ण उदेश्य राखेको उनको भनाई छ ।

भद्रपुरस्थित आनी होटलमा आयोजित दशै मेला फेशन शोमा विभिन्न जातजाति तथा सस्कृित झल्किने पोशाकका डिजाइन सहित विभिन्न मनोरञ्जनात्मक स्टल राखिने छ । फेशन शोलाई राम्रो प्रोफेशनको रुपमा नसोचिहेको अवस्थामा समाजलाई बदल्न र वास्तविकतालाई दर्शाउन इभेन्ट शो जरुरी रहेको प्रशिक्षक दीक्षा चौधरीले बताए । यही भदौ २४ र २५ गते फेशन शोमा सहभागिता जनाउने युवतीको अडिसन पश्चात १५ जनालाई छनौट गरी प्रशिक्षण दिइने र प्रशिक्षण दिएका युवायुवतीले असोज ७ गते फेशन शोमा आफ्नो प्रस्तुती प्रदर्शन गर्न कार्यक्रम तय भइसकेको प्रशिक्षक चौधरीले बताए ।

१६ देखि २४ बर्ष उमेर समूहका युवतीले फेशन शोमा सहभागिता जनाउन पाउने छन् । मेलाबाट उठेको आम्दानीबाट बाढी पीडितलाई सहयोग गरिने कम्पनीका सञ्चालिका निलोफर रहमानले बताए । शोलाई उदेश्यमुलक बनाउन र भद्रपुरको पहिचानलाई कायम राख्न पहिलो पटक इभेन्टले युवतीहरुको लागि झापामा यस्ता किसिमको कार्यक्रम ल्याएको रहमानले बताए । करिब ८ लाख रुपैया खर्च हुने कार्यक्रममा राष्ट्रीय तथा स्थानीयस्तरको कलाकारको सहभागिता समेत रहने आयोजकले जनाएको छ ।

तपाईको प्रतिक्रिया

Admin
दमक, झापा  
Image
Image
Image

© 2018 Sajilokhabar.com  | Powered by DreamSYS IT Solution