म्याराथनमा १४९ जना धावक

Image

Spread the love
  •  
  •  
  •  
  •  
  •  

ताप्लेजुङ, १ फागुन । ताप्लेजुङमा आयोजना हुने खुल्ला म्याराथन तथा महिला हाफ् म्याराथन प्रतियोगितामा भाग लिनेको सङ्ख्या डेढसय जना भएको छ । मङ्गलबारदेखि सुरु भएको तीन दिने पाथीभरा पर्यटन महोत्सवको अवसरमा आयोजना गर्न लागिएको म्याराथन प्रतियोगितामा खुल्लातर्फ ११६ जना र महिला हाफ्तर्फ ३३ जना सहभागी हुने भएका हुन् ।
म्याराथनमा सहभागिता जनाउनका लागि पूर्वको ताप्लेजुङदेखि पश्चिम जुम्ला र रुकुमसम्मका धावकहरु ताप्लेजुङमा जुटेका छन् । सहभागीहरुको बुधबार स्वास्थ्य परीक्षण गरिने र महोत्सवको अन्तिम दिन बिहीबार बिहान म्याराथन (दौड) हुने पाथीभरा देवी मन्दिर क्षेत्र संरक्षण तथा सम्वद्र्धन समिति कार्यालयका कर्मचारी नवीन निरौलाले जानकारी दिए ।
खुल्लातर्फका धावकले फुङ्लिङबजारको तोक्मेडाँडाबाट दौड सुरु गरी पाथीभरा पुगेर पुनः तोक्मेडाँडासम्म ४२.१८५ किलोमिटर दूरी पूरा गर्नुपर्ने छ । यस्तै महिला धावकले तोक्मेडाँडाबाटै दौड सुरु गरी पाथीभरा क्षेत्रको काफ्लेपाटी पुगेर तोक्मेडाँडासम्म २३ किलोमिटर दूरी पार गर्नुपर्ने छ । खुल्लातर्फ विजेताले एक लाख ५१ हजार १११ र उपविजेताले एक लाख ११ हजार १११ रुपैयाँ पुरस्कार पाउने छ भने महिलातर्फ विजेताले ८१ हजार १११ र उपविजेताले ५१ हजार १११ रुपैयाँ पुरस्कार पाउने छन् ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution