पत्रकार अधिकारीलाई पुरस्कृत गरिने

Image

Spread the love
  •  
  •  
  •  
  •  
  •  

प्रयास लिम्बू
ताप्लेजुङ, २२ माघ । प्रेस चौतारी नेपाल ताप्लेजुङले हरेक वर्ष प्रदान गर्ने जयमति–कर्णबहादुर पत्रकारिता पुरस्कार यसवर्ष ताप्लेजुङका क्रियाशिल पत्रकार खगेन्द्र अधिकारीलाई प्रदान गरिने भएको छ । अघिल्लो वर्षबाट प्रदान गर्न थालिएको यो पुरस्कार आउँदो फागुन पहिलो साताभित्र एक कार्यक्रमको आयोजना गरी पत्रकार अधिकारीलाई सो पुरस्कार प्रदान गरिने भएको हो ।
प्रेस चौतारी नेपालको स्थापना दिवसका अवसर पारेर वितरण गरिँदै आएकोमा पसपटक भने अक्षयकोषदाता बलबहादुर तामाङको उपस्थितिमा वितरण गरिने भएकोले पुरस्कार वितरणको कार्यक्रमलाई केही समय पछि सारिएको प्रेस चौतारी ताप्लेजुङका अध्यक्ष कमलप्रसाद भट्टराईले जानकारी दिए । भट्टराईका अनुसार प्रेस चौतारी नेपालको २० औं स्थापना दिवसको अवसर पारेर सोमबार बसेको प्रेस चौतारी नेपाल ताप्लेजुङ शाखाको बैठकले अधिकारीलाई पुरस्कृतगर्ने निर्णय गरेको हो ।
ताप्लेजुङको मैवाखोला गाउँपालिका साविक ढुङ्गेसाँघु गाविसमा जन्मघर भई हाल बैदेशिक रोजगार व्यवसायीको रुपमा रहेका बलबहादुर तामाङले आफ्ना माता पिताको सम्मानमा प्रेस चौतारी ताप्लेजुङ शाखालाई दुई लाख रुपियाँको अक्षयकोष स्थापना गर्नुभएको हो । बैदेशिक रोजगार व्यवसायी सङ्घका पूर्वअध्यक्ष समेत रहेका तामाङले स्थापना गरिदिएको अक्षयकोषको रकम परिचालन गरी प्रेस चौतारी नेपाल ताप्लेजुङले अघिल्लो वर्षबाट जिल्लामा क्रियाशिल एकजना पत्रकारलाई पुरस्कृत गर्दै आएको छ ।
पत्रकार महासङ्घ ताप्लेजुङ शाखाका पूर्व अध्यक्ष किशोरकुमार राईको संयोजकत्वमा रहेको छनोट समितिको सिफारिसका आधारमा कुल १० हजार १११ रुपियाँ राशीको यो पुरस्कारबाट यसवर्ष दोस्रो पटक उज्यालो पोष्ट दैनिकका प्रधानसम्पादक तथा पत्रकार महासङ्घ ताप्लेजुङ शाखाका पूर्व अध्यक्ष अधिकारी पुरस्कृत बनेका हुन् । गत वर्ष पत्रकार महासङ्घ ताप्लेजुङ शाखाका संस्थापक सभापति मनमणि काफ्ले पुरस्कृत भएका थिए ।

तपाईको प्रतिक्रिया

Admin
दमक, झापा  
Image
Image
Image

© 2018 Sajilokhabar.com  | Powered by DreamSYS IT Solution