मोटी सिर्जना मोडलिङमा जम्दै

Image

Spread the love
  •  
  •  
  •  
  •  
  •  

काठमाडौँ, २४ माघ । नेपालमा भर्खरै मात्र सुरु भएको प्लस साइज मोडलिङको भबिष्य राम्रो हुदै गएको मोडल सिर्जना महतले बताएकी छिन् । “सुपर प्लस साइज मोडल २०१८” मा सेकेण्ड रनरअप र मिस चार्मिङको टाइटल जित्न सफल भएकी मोडल सिर्जना महत मेडिकल फिल्ड हुदै मोडलिङमा प्रवेश गरेकी नब मोडल हुन् । प्लस साइज मोडल भन्ने बित्तिकै मोटो भद्दा शरीर भएका युवा युवतीलाई सोच्ने तरिका बिस्तारै परिवर्तन भएको कुरा मोडल महत बताउँछिन् ।

काठमाडौँको स्थायी बासिन्दा सिर्जना महत पेशाले नर्स हुन् । उनी शहिद मेमोरियल हस्पिटलमा (म्याट्रोन) नर्सिङ डाइरेक्टरको रुपमा कार्यरत छिन् । आफ्नो बाल्यकालदेखिको रहर पुरा गर्न र नेपाली समुदायमा मोडलिङ क्षेत्र प्रतिको सोचलाई परिबर्तन गर्दै प्लस साइज मोडलहरुको लागि एउटा मार्गदर्शन बन्ने उदेश्यका साथ यो क्षेत्रमा प्रवेश गरेकी मोडल महत मोटोपनलाई हेल्दी बडीका रूपमा बुज्नु पर्ने बताउछिन् । मोटोपन भद्दा नभई शारीरिक सौन्दर्यको अर्को रुप भएको उनको भनाइ छ । मोटोपनसँगै पनि हरेक मानिस फिट एवं स्वस्थ रहन सकिन्छ भन्ने उनको बुझाइ छ ।

सुपर प्लस साइज नेपाल २०१८ को सेकेण्ड रनर अपको उपाधि जितेसँगै आफ्नो प्लस साइज सुन्दरताप्रति अझ बढी गौरव महसुस भएको बताउने सिर्जना मोटोपन कमजोरी नभएर यो सौन्दर्यकै अर्को पाटो भएको बताउँछिन् । शरीर मोटो हुँदैमा कसैको आत्मविश्वास, प्रतिभा र बौद्धिक क्षमतालाई कम आँकलन गर्नु गलत हो भन्छिन् मोडल सिर्जना महत ।
मोडल भन्ने बितिकै चिटिक्क जिउडाल भएको सुन्दरीको अर्थमा बुझ्ने गरिन्छ । अझ मोटी केटीहरुले आफुलाई व्यवसायिक मोडलको रुपमा स्थापित गर्न सक्छन् भन्ने बारे चाहिँ निकै कम नेपालिहरुलाई मात्र थाहा भएको विषय हो । तर विश्वमा यो ट्रेण्ड फेशनको बजारमा राम्रो स्थान पाउन थालिसकेको छ । ठुला तथा ब्राण्डेड कम्पनीले प्लस साइज मोडललाई आफनो व्यापार प्रचार प्रसार र प्रबर्धनमा प्रयोग गरेको पाइन्छ । चलचित्र, म्युजिक भिडियोमा प्रसस्त देख्न सकिन्छ।

सिर्जना भन्छिन अहिले विश्व मानचित्रमा सुन्दरताको परिभाषा समय अनुरूप परिवर्तन हुँदै गएको पाइन्छ । कुनै समय नेपाल लगायत विश्व बजारमा स्लिम साइज फिगरलाई फेसन र मोडलिङको प्रमुख आवश्यकता मानिन्थ्यो भने विगत केही वर्षयता जिरो साइज फिगरलाई माल्न्युट्रिसन अर्थात् पौष्टिक आहारको कमी सहितको शरीरसित तुलना गर्न थालिएको छ । अब फिट र हेल्दी शारीरिक सौन्दर्यले प्राथमिकता पाउँदै गएको छ । भनिन्छ, ब्युटी कम्स इन अल शेप्स एन्ड साइजेज अर्थात् सुन्दरता विभिन्न आकार–प्रकारमा आउँछ । यही अवधारणासँगै बितेका कैयौं वर्ष मोटोपनलाई भद्दा मान्ने समाजमा अब यसलाई प्लस साइज ब्युटीको संज्ञा दिंदै सम्मान गर्न थालिएको छ । अब स्लिम अर फ्याट, ह्वाट म्याटर्स इज फिट एन्ड हेल्दी बडी भन्ने अवधारणा अघि बढ्न थालेको छ ।

सपिङ र फोटोग्राफी मन पराउने उनि नया नया ठाउँ भ्रमण गर्न रुचि राख्छिन् । चलचित्र, म्युजिक भिडियो खेल्ने तथा सिने क्षेत्रमा प्रवेश गर्ने तत्काल कुनै योजना नभएको बताउने उनि फोटोसुट गर्न भने मन पर्ने बताउछिन ि सधै हासेर बोल्ने मिठो मुस्कान, सुन्दर मुहार र बौद्दिक क्षमता भएकी प्रतिभावान मोडल सिर्जना महत आफ्नो मोडलिङलाइ समाजसेवा मार्फत समाजमा सकारात्मक सोचहरु फैलाउन चाहन्छिन् ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution