फर्निचर उद्योगबाट मासिक ३ लाख बढी कमाइ

सीप भए स्वदेशमै स्वरोजगार

Image

Spread the love
  •  
  •  
  •  
  •  
  •  

बिर्तामोड, २८ माघ । श्रम तथा रोजगार मन्त्रालयबाट श्रम स्वीकृत लिएर दैनिक १३ सयको हाराहारीमा नेपाली युवा विदेशीने गरेको एक तथ्याङ्कले देखाएको छ । तर पछिल्लो समय स्वदेशमै केही गर्न सकिन्छ भन्ने युवाहरुको संख्या पनि बढ्दै गइरहेको छ ।
सीप भए स्वदेशमै राम्रो आम्दानी गर्न सकिन्छ भन्ने गतिलो उदहरण बनेका छन् बिर्तामोड–३ स्थित बिर्ताबजारका दुई युवा । लगभग ५ बर्ष अघिदेखि सञ्चालनमा आएको फर्निचर उद्योग अधिकारिक रुपमा २०७३ सालदेखि घरेलु तथा साना उद्योगमा दर्ता गरी व्यवसायिक रुपमा सञ्चालन गर्दै आएको र मासिक ३ लाख बढी कमाइ हुने बताउँछन् ।
दुई जना साथी सुमन गुरुङ्ग र लक्ष्मण लिम्बु मिलेर शुरु गरेको यस एस.एल. मोर्डन फर्निचर उद्योगमा हाल ५ जनाले रोजगार पाएका छन् । केही वर्षअघि एकजना विदेशी नागरिक नेपाल भ्रमणमा आएका बेला उहीबाट फर्निचर सम्बन्धी सीप सिकेर यो व्यवसायलाई विस्तार गरेको सञ्चालक सुमन बताउछन् ।


समय अनुसार व्यवसायलाई आधुनिकीकरण गर्न सके आज हरेक व्यवसायबाट मनग्य आम्दानी गर्न सकिन्छ – भन्नेमा विश्वास राख्छन् यी दुई व्यवसायी । अहिले बजारमा मोर्डन फर्निचरका सामग्रीको माग पनि बढ्दै गएको उनीहरुको भनाई छ । रोजगार नपाएर विदेश जानुको सट्टा केही गरेर आफैंले आम्दानीको वातावरण सृजना गर्नुपर्नेमा जोड दिन्छन् । लक्ष्मण लिम्बु भन्छन्–‘हामी श्रम गर्न लजाउँछौं, सानो काम ठुलो काम भन्छौं, श्रम गर्दा अरुको खिसी गर्छौं यसैकारण युवा शक्ति विदेश पलायन हुने क्रम बढेको हो ।’
अझ युवा अवस्थामा सही र गलत छुट्टयाउन नसक्दा कति युवायुवती कुलतमा फस्ने गरेको पाइन्छ । यस अवस्थामा आफूलाई कुनै सीपमुलक काममा व्यस्त राख्न सकियो भने मात्र सफल हुने अर्का सञ्चालक सुमन बताउछन् ।

आफूले सिकेको सीपलाई व्यवहारमा उतारेर सञ्चालन गरेको यो उद्योगका युवाहरुको काम साँच्चै प्रशंसनीय छ ।
विदेशको बाटोलाई त्यागेर स्वदेशमै स्वरोजगार बन्न चाहेका यी युवा आजको युवापुस्ताका लागि एक प्रेरणादायी बनेका छन् ।
यदि अहिलेका युवापुस्ताले पनि स्वदेश मै पनि केही गर्न सकिन्छ भन्ने सोच राखेर यस्तै सीप हासिल गरेर आफूलाई स्थापित गर्ने हो भने युवापुस्ता विदेशको पराई ठाउँमा दुःख गर्नुपर्ने अवस्था आउँदैन थियो ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution