अब कनकाई नगरभित्र बसोवास गर्ने सबै असक्तहरुको निशुल्क जिवन बिमा

Image

Spread the love
  •  
  •  
  •  
  •  
  •  

सुरुङ्गा, १४ चैत । कनकाई नगरपालिकाभित्र बसोवास गर्दै आउने तर सामान्य रकम नभएकै कारण सहयोगको हात भन्दै गाउँगाउँमा माग्दै हिड्नेहरुको सङ्ख्यामा अब भने कमि आउने भएको छ । कनकाई नगरपालिकाले यस्ता असक्क्त र बृद्धबृद्धाहरुको निशुल्क जिवन बिमा गर्न सुरु गरेपछि कनकाई नगरपालिकाभित्रका झण्डै ३ हजारजना यस सेवाबाट आभान्वित हुने भएका छन ।

कनकाई नगरपालिकाभित्रका ७० वर्षमाथिका वृद्धवृद्धालाई नगरपालिकाले निशुल्क ५० हजारसम्मको जिवन बिमा गर्न सुरु गरेको छ ।
बुधबार आज विशेष कार्यक्रमका विच कनकाई नगरपालिकाका नगरप्रमुख राजेन्द्रकुमार पोखरेलले नगरपालिकाभित्रका १२ जना वृद्धवृद्धालाई यस विमा वापतको रकम प्रदान गर्दै बिमाको उदघाटन गरे । सरकारले प्रत्येक घरपरिवारको अनिवार्य जिवनविमा गर्न सुरु गरेपछि नगरपालिकाले जेष्ठ नागरिक , पुर्ण अपाङ्ग , एकल महिला , जेष्ठ दलितहरुको बिमित रकम नगरपालिकालेनै व्याहोर्ने लाई नगरपालिका प्रमुख पोखरेलले बताए ।

यस सेवा पाउनेमा नगरभित्रका २२ सय १३ जना जेष्ठ नागरिक , ९० जना पुर्ण अपाङ्ग , ३९० जना एकल महिला र १२४ जना जेष्ठ दलित गरी जम्मा २ हजार ८ सय १७ जनाले यो सुविधा पाउने नगरपालिकाका कार्यकारी अधिकृत देवेन्द्र कार्कीले बताए । वृद्धवृद्धा र असक्तहरु आवश्यक रकमको अभावमा रोग पालेर नवसुन भनेर नगरपालिकाले बिमाका लागि १७ लाख रुपैँया रकम विनियोजित गरेर यस वर्षदेखि बिमा सेवा सुरु गरेको नगरप्रमुख पोखरेलले बताए । हरेक वर्षमा यस कार्यक्रमलाई निरन्तरता दिर्दै जाने समेत नगरप्रमुख पोखरेलले बताए ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution