केही दिन ढिलो भए पनि पार्टी एकतालाई कसैले रोक्न सक्दैन

Image

Spread the love
  •  
  •  
  •  
  •  
  •  

झापा, २ वैशाख । नेकपा एमाले र माओवादी केन्द्रका नेताहरुले पार्टी एकतालाई अब कसैले चाहेर पनि रोक्न नसक्ने दाबी गरेका छन् ।

झापाको बिर्तामोडमा आज कम्युनिष्ट पार्टी एकताको सन्दर्भमा आयोजित ‘अबको समाजवाद’ विचार गोष्ठीमा सहभागी एमाले र माओवादी केन्द्रका नेताहरुले पार्टी एकताको प्रक्रिया कुनैपनि कोण र प्रवितीबाट अवरुद्ध हुन नसक्ने दाबी गरेका हुन् । केही प्राविधीक कारण भएपनि त्यसलाई हल गरेर आगामी वैशाख ९ गते नै पार्टी एकता हुने उनीहरुको जिकिर थियो ।
परराष्ट्रमन्त्री समेत रहेका एमाले नेता प्रदिप ज्ञवालीले कसैको जोडघटाऊका कारण पार्टी एकता प्रभावित नहुने बताए । ‘पार्टी एकताको बारेमा व्यक्तिलाई के लाग्छ त्यो तपसिलको बिषय हो’ उनले भने, ‘पार्टीको वृह्त एकताका निम्ती पद, पोजिसन केही पनि होइन, पार्टी एकता हुन्छ ।’

त्यस्तै, पार्टी एकता संयोजन समितीका सदस्य तथा माओवादी केन्द्रका नेता नारायणकाजी श्रेष्ठले पार्टी एकता कम्युनिष्ट पार्टी स्थापना दिवसका दिन वैशाख ९ मा नै गर्ने मोटामोटी समझदारी बनाएको भन्दै त्यो सम्भावन अझै टुटि नसकेको धारणा व्यक्त गरे । उनले भोली बस्ने पार्टी एकता संयोजन समितीले सम्भव भएसम्म वैशाख ९ मा नै पार्टी एकता गर्नेमा केन्द्रित रहने बताए । ‘भोली बस्ने समितीको बैठकले वैशाख ९ मै पार्टी एकता गर्ने गरी छलफल गर्छ’ उनले भने, ‘कदमकदाचित केही दिन ढिलो भई हालेपनि पार्टी एकता हुन्छ ।’

कार्यक्रममा नेताहरुले प्रजातन्त्रको अभाव भएका कारण विगतमा समाजवाद असफल भएको चर्चा गर्दै विकसित समाज जस्तै अबको समाजवादको लक्ष्य हुनुपर्ने धारणा राखेका थिए । नयाँ तरिकाबाट समाजवादको ब्याख्या कसरी गर्ने भन्ने विषयमा नेपालमा समाजवादको बहस जोडदार चलाउनुपर्ने नेताहरुको भनाई थियो ।

 

तपाईको प्रतिक्रिया

Admin
दमक, झापा  
Image
Image
Image

© 2018 Sajilokhabar.com  | Powered by DreamSYS IT Solution