चैत २३ गते बिर्तामोडमा एफएलफ अवार्ड

Image

Spread the love
  •  
  •  
  •  
  •  
  •  

बिर्तामोड, २० चैत । लिम्बू भाषा, संस्कृति र कलाको संरक्षण गर्ने उद्देश्यले स्थापित लिम्बू फिल्म र म्युजिक भिडियोको संयुक्त अवार्ड ‘एफएलएफ अवार्ड–२०७४’ यस वर्ष झापाको बिर्तामोडमा हुने भएको छ ।
गत वर्ष काठमाडौँमा वितरण गरिएको एफएलएफ अवार्डको दोस्रो संस्करण यस वर्ष चैत २३ गते बितोमोड हुने मंगलबार यहाँ आयोजित पत्रकार भेटघाटमा कार्यक्रम संयोजक दिनेश लिङ्देनले जानकारी दिए । उनका अनुसार प्रदेश नम्बर १ का अर्थमन्त्री ईन्द्र आङ्बो (मौसम)ले विजेताहरुलाई अवार्ड प्रदान गर्नेछन् ।
अवार्डका लागि लिम्बू भाषाका चलचित्र र म्युजिक भिडियो अन्तरगत फिल्म, निर्देशक, नायक–नायिका, गायक–गायिका, छायाँकन लगायतका विधामा अवार्ड वितरण गरिने छ । अवार्डका लागि लाजेरे थोकला, पुङ्साम, लुङ्मा तुकिल्ले र एसोमिमे चलचित्र छनोटमा परेको लिङ्देनले बताए ।
त्यसैगरी, निर्देशकमा किशोर सुब्बा, सागर केरुङ, लोकेन साँवाको नाम मनोनयनमा परेको छ भने नायक–नायिकामा आशिष लिङ्देन, तेनिहाङ आङ्दम्बे, टिका माखिम, नेत्तिहाङमा आङ्बुङ, विष्णु चेम्जोङ र प्रविना पन्धाकको नाम मनोनयनमा परेको छ । त्यस्तै, गायक गायिकामा टिका माखिम, गोविन्द आङबुहाङ, मनु नेम्वाङ र कमला नेम्वाङको नाम सिफासिर गरिएको छ ।
म्युजिक भिडियोका लागि निर्देशन विधामा लोकेन साँवा, दिनेश माङ्मु, युगल पोमु र हाङपाल आङबुहाङ मनोनयनमा परेका छन् भने गायक–गायिका बिधामा मान तबेबुङ, सुसन साम्सोहाङ, जेपी नेम्वाङ, निर्मला सुब्बा, राजेन्द्र केरुङ, मनु नेम्वाङ, जसोदा लिम्बू, सुष्मा लिम्बू मनोनयमा परेका छन् ।
त्यस्तै, म्युजिक भिडियोको नायक नायिकमा मान तबेबुङ, मिलन लिम्बू, सबिन तुम्वाहाम्फे, जेपी नेम्वाङ, निशा पोमु, सिर्जना तबेबुङ, गीता पालुङ्वा, रेखा फागो छनोट भएका छन् भने भिडियो छायाँकन विधामा रविन्द्र बराल, अर्जुन तिवारी, सुरेश वनेम, बुद्ध थापा मनोनयनमा परेको आयोजकले जनाएको छ ।
‘भोटिकका आधारमा छनोटमा परेकाहरुबाट विजेता छानिने छ’, संयोजक लिङ्देनले भने, ‘फागुन २१ गतेदेखि भोटिङ लाइन सुरु भइसकेको छ, चैत २१ गतेसम्म भोटिङ गर्न सकिने छ ।’ कार्यक्रममा अवार्ड वितरणको अलावा लिम्बू गीत, सङ्गित, नृत्य प्रस्तुत हुने जनाइएको छ ।

तपाईको प्रतिक्रिया

Admin
दमक, झापा  
Image
Image
Image

© 2018 Sajilokhabar.com  | Powered by DreamSYS IT Solution