एनएमसी डेरीको तेस्रो वार्षिकोत्सव

Image

Spread the love
  •  
  •  
  •  
  •  
  •  

झापा, १ वैशाख । नेपाल बहुउद्देश्यीय सहकारी संस्था लि. (एनएमसी) को पूर्ण स्वामित्वमा सञ्चालित एनएमसी डेरी उद्योगले आफ्नो तेस्रो वार्षिकोत्सव मनाएको छ ।

आइतबार इँटाभट्टास्थित उद्योगको परिसरमा सम्पन्न कार्यक्रममा संस्थाका दुई कर्मचारीलाई सम्मान समेत गरिएको थियो । स्थापनकालदेखि नै उद्योगको गुणस्तर तथा बजार विभागमा कार्यरत दुई कर्मचारीलाई सम्मान गरिएको हो । सम्मान हुनेहरुमा बजार विभागतर्फ चालक गौतम राजवंशी र गुणस्तर विभागतर्फ शेखर पौडेल सम्मानित भए । दुवै कर्मचारीलाई ५ हजार नगदसहित प्रमाण पत्र, खबिर तथा खादाले सम्मान गरिएको थियो ।

संस्थाका अध्यक्ष रामचन्द्र उप्रेतीको सभापतित्वमा सम्पन्न कार्यक्रममा एनएमसी शरणामती कार्यालयगत समितिका संयोजक धनपति रिजाल, एनएमसीका सल्लाहकार समिति संयोजक मोहनप्रकाश उप्रेतीलगायतले बोलेका थिए । डेरीका बजारीकरणका प्रमुख नवराज अधिकारीले सञ्चालन गरेको कार्यक्रममा स्वागत गर्दै उद्योगका प्रबन्ध निर्देशक श्यामकुमार मिश्रले एनएमसी डेरीले गुणस्तरमा कहिल्यै सम्झौता नगर्ने प्रतिबद्धता व्यक्त गरेका थिए । उनले पात्रो हेरेर दुध खाने चलनको अन्त्य गर्दै उद्योगले बजारीकरणलाई अझ तिव्रताका साथ अघि लैजाने बताए । कार्यव्रmममा संस्थाका उपाध्यक्ष लक्ष्मीप्रसाद उप्रेती, लेखा समिति संयोजक विष्णु गौतम, सदस्य लक्ष्मी काफ्ले अधिकारी, रचना दाहाल, माधव प्याकुरेल, डम्बरप्रसाद खरेललगायतको उपस्थिति रहेको थियो ।

तपाईको प्रतिक्रिया

Admin
दमक, झापा  
Image
Image
Image

© 2018 Sajilokhabar.com  | Powered by DreamSYS IT Solution