दिकी पुगिन् सगरमाथाको चुचुरोमा

Image

Spread the love
  •  
  •  
  •  
  •  
  •  

काठमाडौं, ३ जेठ । लैंगिक समानताको लागि सकारात्मक सोच, सर्वोच्च शिखरबाट समावेशी समाजको उद्घोष’ भन्ने मुलनाराको साथ दिकी शेर्पाले सगरमाथाको चुचुरो चुमेकी छिन् ।


महिलालाई दोस्रो दर्जाको नागरिकको रुपमा हेर्ने संस्कारलाई बदाल्दै नारीे पनि पुरुष सरह क्षमता देखाउन सक्छन् भनेर प्रमाणित गर्न लागेकी शेर्पाले बिहिबार विहान ८ः३० बजे सगरमाथाको चुचुरोमा पुगेको जानकारी सगरमाथा आधार शिविरमा रहेका सरकारका सम्पर्क अधिकृत ज्ञानेन्द्र श्रेष्ठले जानकारी दिए । उनका अनुसार बिहिबार शेर्पा सहिति स्वदेशी र विदेशी गरेर १८ जनाले चुचुरोमा पाइला पुराएका छन् ।
पुरुषप्रधान सोचलाई परिवर्तन गर्दै महिला शसक्तिकरण अभियानको साथ सगरमाथा आरोहण गर्न लागेकी थिए, आरोहणपछि शेर्पाले फोनमा भनिन्, मेरो आरोहणले पर्यटनमार्फत मुलुकको आर्थिक समृद्धीका रेखाहरु कोर्नका साथै लैंगिक समानता सहितको समावेशी राज्य व्यवस्था निर्माणमा भूमिका खेल्नेछ ।’

पर्यटन र सहासिक पर्यटनको क्षेत्रमा महिलाहरुको सहभागिता बढाउँदै आर्थिक, सामाजिक, राजनैतिक क्षेत्रमा आम महिलाहरुलाई अघि बढाउन प्रेरित गर्ने हेतुले आरोहण गरेकाले आगमी दिनमा त्यसैमा केन्द्रित हुने उनले बताईन् ।

शंखुवासभा माइती तथा ओखलढुंगा घर भएकी शेर्पा २०४९ सालमा संखुवासभामा जन्मिीएर २०७० सालदेखि पर्यटन पथप्रदर्शकको रुपमा पर्यटन क्षेत्रमा क्रियाशिल छिन् । पर्वतीय प्रशिक्षण प्रतिष्ठान तथा नाथुम कलेजबाट गाइड तालिम हासिल गरेकी दिकीले पर्वतारोहण सम्वन्धि आधारभूत तथा एड्भान्स तालिम पनि लिएकी छिन् । शेर्पाले पहिलो पटक सन् २०१७ मा ६ हजार ४ सय मिटर भन्दाअग्लो मेरा पिक र ५ हजार ९ सय २५ मिटर अग्लो राम्दुङ पिकको समेत सफलता आरोहण गरेकी छिन् । त्यसैगरि २०१७ मा संसारको आठौं अग्लो हिमाल मनास्लु (८१६३ मि.) समेत सफल आरोहण गरिसकेकी शेर्पा सन् २०१८ मार्चमा सगरमाथा आरोहण अभियानमा छिन् । दिकीको आरोहरण अभियानलाई पर्यटन सञ्चार क्लबले साथ दिएको हो ।

सगरमाथा आरोहणको पाँचौ अर्थात बिहिबारसम्ममा यस वर्ष १ सय ५९ जनाले सगरमाथाको सफल आरोहण गरेका छन् ।
सबैभन्दा बढी बुधबार एकैदिन ९४ जना आरोहीले सगरमाथाको सफल आरोहण गरेको सम्पर्क अधिकृत श्रेष्ठले जानकारी दिए । यस वर्षको वसन्त ऋतुमा १५ जना नेपाली महिलासहित ३ सय ४६ जनाले सगरमाथा आरोहणका अनुमति लिएका छन् । आरोहण गर्न बाँकी रहेका आरोही पनि मौसम हेरेर आरोहणको तयारीमा छन् ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution