दलित छात्रलाई गुरुकुलमा भर्ना नगरेको भन्दै संस्कृत विद्यालयमा तालाबन्दी

Image

Spread the love
  •  
  •  
  •  
  •  
  •  

झापा, जेठ ३ । झापाको भद्रपुरमा रहेको संस्कृत विद्यालयले दलित विद्यार्थीलाई भर्ना नगरेको भन्दै तालाबन्दि गरिएको छ ।

इलाम नगरपालिका–५ बर्वोटेका विकास कार्कीडोलीलाई गुरुकुलले भर्ना लिन नमानेको भन्दै नेपाल राष्ट्रिय उत्पीडित विद्यार्थी संगठनले भद्रपुरको श्री कृष्ण दै्रपायन गुरुकुल बेद विधाश्रममा विहिबार तालाबन्दि गरेका हुन् ।

कार्की डोलीलाई बिर्तामोडका भूवन भट्टराईले भर्नाका लागि गुरुकुल पु¥याएका थिए । भर्नाका लागि गुरुकुलमा पुगेका उनले संस्कृत विद्यालयको प्रशासनलाई आग्रह गर्दा भर्ना लिन अस्वीकार गरेका कारण विद्यालयमा तालबन्दि गरीएको नेपाल राष्ट्रिय उत्पीडित विद्यार्थी संगठनका केन्द्रीय अध्यक्ष टिकाराम मंग्रातीले जानकारी दिए ।

भर्ना नगरेको घटना सार्वजनिक भएपछि झापा जिल्लामा रहेका दलित अधिकारकर्मीले बालबालिकाको मौलिक हकलाई हनन् नगर्न आग्रह गर्दा पनि गुरुकुलले विद्यार्थी भर्ना गर्न नमानेको अध्यक्ष मंग्रातीले बताए ।

गुरुकुलले दलित विद्यार्थीलाई संस्कृत विद्यालयमा भर्ना लिन नमानेपछि जातीय विभेद गरेको निष्कर्ष निकाल्दै विभिन्न संघ संगठनले दुवै पक्षबीच छलफल गरेर समाधान निकाल्ने प्रयास गरेको थियो । बिहीबार विद्यार्थी संगठन, दलित अधिकारकर्मी, युवा संघ नेपाल, अनेरास्ववियू र गुरुकुल सञ्चालक समितिबीच समाधानको लागि छलफल गरिएको थियो ।

छलफल निस्कर्षमा नपुगेपछि तालाबन्दि गर्नुपर्नेको मंग्रातिको भनाई छ । गुरुकुल सञ्चालक समिति अध्यक्ष राजेन्द्र चापागाईले अहिलेसम्म दलित विद्यार्थी भर्ना गर्नका लागि कोही नआएकाले यस्तो अभ्यास नगरेको प्रतिक्रिया दिएका छन् ।

उनले विधानमा व्यवस्था भए अनुसार गुरुकुल सञ्चालन गर्नुपर्ने भएकाले भर्ना लिन समस्या भएको बताए । समाधानको प्रयास सफल नभएपछि तालाबन्दी गरेका उनीहरुले जिल्ला प्रशासन कार्यालय झापा मार्फत प्रधानमन्त्रि कार्यालयलाई ज्ञापन पत्र समेत बुझाएका छन् । ज्ञापन पत्र बुभ्mदै प्रमुख जिल्ला अधिकारी जनकराज दाहालले समाजमा कुनै पनि विभेद्को घटना हुन नहुने बताएका छन् । उनले माग सम्बोधन गर्न सहजीकरण गर्ने प्रतिवद्धता व्यक्त गरेको उत्पीडित अधिकार मञ्च नेपालका सचिव सागर पोर्तेलले जानकारी दिए ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution