सरकारद्धारा यातायात समितिहरुको बैंक खाता रोक्का गर्ने निर्णय

Image

Spread the love
  •  
  •  
  •  
  •  
  •  

काठमाडौँ, १ जेठ । सरकारले थप यातायात समितिहरुको पनि बैंक खाता रोक्का गर्ने भएको छ ।

सिण्डिकेट हटाउने सरकारी निर्णयविरुद्ध आन्दोलनमा उत्रिएका यातायात व्यवसायीहरुले २१ बैशाखमा सार्वजनिक यातायात नचलाएपछि २४५ यातायात समितिले बैंक खाता रोक्का गरिएको थियो ।

गृहमन्त्री रामबहादुर थापा बादलको नेतृत्वमा मंगलबार बसेको बैठकले अरु समितिको पनि बैंक खाता रोक्का गर्ने निर्णय गरेको छ ।

भौतिक पूर्वाधार तथा यातायात मन्त्री रघुबिर महाशेठ, गभर्नर डा। चिरिञ्जिवि नेपाल लगायतको उपस्थितिमा बसेको बैठकले यातायात सम्वद्ध संघसंस्थाहरुको चल, अचल शेयर, सम्पत्तिको विवरण १५ दिनभित्र गृह मन्त्रालय र यातायात व्यवस्था विभागमा पठाउन देशभरका पुमख जिल्ला अधिकारीलाई गृह मन्त्रालयले निर्देशन दिने निर्णय गरेको हो ।

बैठकले यसअघि खाता रोक्का गरिएका बाहेक अन्य यातायात समिति तथा संस्थाहरुको विवरण संकलन गरी अर्थ मन्त्रालयमा पठाउने यातायात व्यवस्था विभागलाई भनेको छ ।

विवरण आए लगतै बाँकी रहेको सम्पुर्ण यातायात समितिहरुको समेत खाता रोक्का गर्ने र के कति रकम छ, त्यसको विवरण तयार पार्ने निर्णय गरेको छ ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution