उत्पादनशील क्षेत्रमा कर्जा बढ्ने

Image

Spread the love
  •  
  •  
  •  
  •  
  •  

काठमाडौं, जेठ २७ ।  राष्ट्र बैंकले बढ्दो  व्यापार घाटा नियन्त्रण गर्न उत्पादनमूलक क्षेत्रमा कर्जा बढाउने भएको छ। आगामी आर्थिक वर्षको मौद्रिक नीतिमा यस्तो व्यवस्था गर्न लागिएको हो। वाणिज्य मन्त्रालयले व्यापार घाटा न्यूनीकरणका लागि बैंकसँग सुझाव मागेको थियो। बैंकले उत्पादनमूलक क्षेत्रमा जाने कर्जा बढाएर उत्पादन बढेपछि व्यापार घाटा कम गर्न सकिनेछ।

आगामी आर्थिक वर्षको बजेटका कार्यक्रममा व्यापारघाटा न्यूनीकरणलाई लक्षित गरिएको वाणिज्य मन्त्रालयका सहसचिव रवीशंकर सैंजुले बताए। उनले भने, ‘बजेटले निर्यातलाई प्राथमिकतामा राखेको छ। बजेटले नेपालको व्यापार क्षेत्रको विकासका लागि व्यापार मूलप्रवाहीकरणमार्फत् निर्यात क्षमता अभिवृद्धि गरी व्यापार घाटा कम गर्ने योजना ल्याएको छ। हामीले सरोकारवालासँग व्यापार घाटा कम गर्न कसको के भूमिका हुन्छ भनेर अध्ययन थालेका छौं।’

मन्त्रालयले व्यापारसँग जोडिएका सबैजसो कार्यालयसँग व्यापार घाटा कम गर्न खेल्नुपर्ने भूमिकाका बारेमा लिखित सुझाव मागेको थियो। धेरैजसो कार्यालयले उत्पादन बढाउनुमा जोड दिएका छन्। राष्ट्र बैंकले आयातलाई व्यवस्थित गर्न अनुत्पादक क्षेत्रलाई निरुत्साहित गर्ने योजना बनाएको हो।

अहिले उत्पादनशील क्षेत्रमा १७ प्रतिशत मात्र कर्जा लिन पाउने व्यवस्था छ। बैंकले मौद्रिक नीतिलाई निर्यात प्रवद्र्धनउन्मुख बनाउने जनाएको छ। निर्यातलाई सरल बनाउन निर्यातकर्जाको पनि व्यवस्था गर्ने रणनीतिमा उल्लेख छ। यस्तै अनुत्पादक क्षेत्रको गाडी कर्जा सुविधालाई पनि कडाइ गर्ने बैंकको योजना छ।

राष्ट्र बैंकका प्रवक्ता नारायण पौडेल निर्यात प्रवद्धन गर्ने खालका उत्पादनमा जाने कर्जाको मात्रा बढाउने विषयमा छलफल भएको बताए। उनले भने, ‘कृषिजन्य उत्पादनमा हाम्रो बढी ध्यान गएको छ। हामीले त्यहीअनुसारको कर्जा प्रवाहमा जोड दिने हो।’

चीनसँगको निकासी व्यापार भुक्तानीलाई पनि एलसी, टीटी र ड्राफ्टबाट हुने गरी सरल व्यवस्था गर्ने राष्ट्र बैंकको योजना छ। यदि कुनै निकासीजन्य उद्योगले भारतबाट कच्चापदार्थ आयात गर्दा परिवर्तनीय विदेशी मुद्रामा भुक्तानी गर्दा सस्तोपर्ने प्रमाणित भएमा सोको भुक्तानी विदेशी मुद्रामा गर्ने अनुमति दिने तयारी गरेको छ। आजको अन्नपुर्ण पोस्ट् दैनिकमा खबर छ ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution