ताप्लेजुङ याङ्वरकका नागरिकलाई जनप्रतिनिधि आएको महसुस हुन सकेन

Image

Spread the love
  •  
  •  
  •  
  •  
  •  

प्रयास लिम्बू, ताप्लेजुङ, असार १ । ताप्लेजुङको पाथीभरा याङ्वरक गाउँपालिका वडा नं. १ नाङ्खोल्याङ फुवाकी एक महिला आफ्नी छोरीका साथ मङ्गलबार वडा कार्यालय परिसरमा निरास मुद्रामा भेटिनुभयो ।

उक्त दिन बिहान करिव सवा ११ बजेतिर पाथीभरा याङ्वरक १ नं. वडा कार्यालय परिसरमा भेटिनुभएकी आमाछोरीलाई त्यत्तिबेलासम्म पनि कार्यालय नखुल्दा र कोही कर्मचारी नभेट्दा निरासा छाएको थियो । साविक नाङ्खोल्याङ गाविसको कालिका माध्यमिक विद्यालय नजिकै रहेको वडा कार्यालय परिसरमा निरास मुद्रामा भेटिएका नाङ्खोल्याङ फुवाकी अभिमाया सुनुवारसँग जिज्ञासा राख्दा छोरी पुष्पा सुनुवारले आफ्नो जन्मदर्ता गर्न वडा कार्यालय आएको बताउनुभयो ।

जिल्लाको आठराई त्रिबेणी गाउँपालिका–२ साविक फुलबारी गाविसमा बिबाह गर्नुभएकी पुष्पाले नागरिकता बनाउनका लागि जन्मदर्ता चाहिने भएपछि वडा कार्यालय आएको र कार्यालय आउँदा नखुलेको साथै कर्मचारी नभेटेपछि रित्तै फर्कनुपरेको बताउनुभयो ।

पुष्पाले बिबाह भएको गाउँ फुलबारी भएपनि हाल फुङ्लिङ नगरपालिका वडा नं. ८ साविक दोखु गाविसको ल्याङ्बामा बस्दै आएको बताउनुभयो । “बिहान सबेरै उठेर ल्याङ्बादेखि करिव चार घण्टा हिँडेर फुवा हुँदै आमासँग वडाकार्यालय आइपुगियो, तर काम भएन दुःख मात्रै पाइयो” मङ्गलबार वडा कार्यालय परिसरमा भेटिनुभएकी पुष्पाले भन्नुभयो । उहाँले थप्नुभयो, “आजसँग जन्मदर्ताकै लागि चार पटकसम्म वडा कार्यालय धाइयो, तर रित्तै फर्कनुप¥यो ।”

घरमा दुई वर्षको बच्चालाई छाडेर जन्मदर्ता गराउन वडा कार्यालय आउँदा कार्यालय नखुलेको र जन्मदर्ता बनाइदिने वडासचिव पनि नभएको अरुबाटै खबर पाएपछि काम नगरी रित्तै फर्कन बाध्य हुनुपरेको उहाँले दुखेसो गर्नुभयो । उहाँले आफ्नो बच्चाको समेत जन्मदर्ता गर्नुपर्ने भएकाले माइती घरमा निस्केर वृद्धा आमालाई लिएर आफ्नो जन्मदर्ता गर्न वडा कार्यालय पुगेको तर काम नभई निरास भएर फर्कनुपरेको बताउनुभयो ।

उहाँहरु जस्तै नाङ्खोल्याङका अधिकांश स्थानीयले वडा कार्यालयको सेवाप्रति असन्तुष्टि जनाएका छन् । घण्टौं लगाएर जन्मदर्ता, विवाह दर्ता, मृत्युदर्ता लगायतका काम लिएर वडा कार्यालय पुग्दा कुनै बेला वडासचिव नभेटिने, कुनैबेला वडाध्यक्ष नभेटिने जस्ता हैरानीहरु बेहोर्दै आउनुपरेको स्थानीयले गुनासो गरेका छन् । त्यस्तै कार्यालयमा राख्नुपर्ने कम्प्युटर लगायतका कतिपय भौतिक पूर्वाधारहरु वडाध्यक्षको घरमा राख्दै आएको समेत स्थानीयको भनाइ छ ।

यता वडासचिव रोहितकुमार शाहसँग सम्पर्क गर्दा उक्त मङ्गलबारका दिन कार्यालयकै काम लिएर सदरमुकाम फुङ्लिङ गएको बताउनुभयो । वडाध्यक्षको बारेमा जिज्ञासा राख्दा आपूmलाई थाहा नभएको र आपूm कार्यालयको जरुरी काम परेकाले सदरमुकाम जानुपरेको वडासचिव शाहले बताउनुभयो । कुनैबेला तत्काल जरुर काम पर्दा अन्यत्र जाने भएपनि अधिकांस समय वडा कार्यालयमै बस्ने गरेको उहाँले जानकारी दिनुभयो ।

वडा कार्यालयमा बिजुली बत्तीको प्रवन्ध नहुँदा कम्प्युटर र प्रिन्टर वडाध्यक्ष जीवन खिम्दिङमा घरमा राखेर काम गर्दै आएको जनाइएको छ । बत्ती नभएकै कारण हाल वडा कार्यालयले सेवाग्राहीलाई उपलब्ध गराउने सिफारिसपत्र लगायतका कागजातहरु र अन्य टाइप प्रिन्टसम्बन्धी कार्य गर्नुपरेमा वडाध्यक्षको घरमा गएर काम गर्ने गरेको सो वडाका सामाजिक परिचालक मञ्जु खतिवडाले जानकारी दिनुभयो । खतिवडाका अनुसार वडाध्यक्षको घरमा कम्प्युटर चार्ज तथा प्रिन्टर चलाउन मिल्नेगरीको बत्तीको उपलब्धता रहेको छ ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution