विश्वकप फुटबलको उद्घाटन खेलमा रसियाको सानदार जीत 

साउदी अरेबिया बिरुद्ध ५ गोल

Image

Spread the love
  •  
  •  
  •  
  •  
  •  

काठमाडौँ, ३१ जेठ । विश्वकप फुटबल उद्घाटनको पहिलो खेलमा रसियाले साउदी अरेबियामाथि ५–० को शानदार जीत निकालेको छ । पहिलो खेलअघिसम्म फिफा बरियतालाई आधार मान्ने हो भने रसिया प्रतियोगिताकै सबैभन्दा कमजोर टोली रहेको थियो । यसअघिका आधा दर्जन खेलभन्दा बढी जीतविहीन रहेको थियो । जसले गर्दा टोली निरन्तर आलोचनाका कारण दबाबमा थियो ।

रसियाले खेलको १२ औँ मिनेटमा नै अग्रता लिएको थियो । अलेक्सान्डर गोलोभिनको पासमा गोल गर्दै युरी गजिनसकी यस विश्वकपमा गोल गर्ने पहिलो खेलाडी बने । त्यसपछि खेलमा साउदी अरेबियाले नियन्त्रण राखे पनि विपक्षीको पोष्टमा एक पनि प्रहार गर्न सकेन ।

काउन्टर अट्याकिङ खेल प्रदर्शन गरेको रसियाले यसको फाइदा उठाउँदै खेलको ४३ औँ मिनेटमा आफ्नो अग्रता दोब्बर बनायो । डेनिस चेरसेभको उक्त गोल कुनै पनि सब्सटिच्युडले विश्वकपको उद्घाटन खेलमा गरेको पहिलो गोल थियो ।

खेलको दोस्रो हाफमा पनि साउदी अरेबियाले रसियामाथि दबाब कायम राखे पनि पोष्टमा सफल आक्रमण गर्न सकेन । बलमा ६० प्रतिशतभन्दा बढी नियन्त्रणमा राखे पनि निकै आक्रामक टोली मानिने साउदी अरेबियाले विपक्षीको पोष्टमा प्रहार लक्षित नै गर्न सकेन ।

खेलको ७१ औँ मिनेटमा आर्तेम जुबाले गोल गर्दै रसियाको अग्रता फराकिलो बताए । उनी अतिरिक्त खेलको रुपमा मैदानमा प्रवेश गर्ने बित्तिकै टोलीका लागि गोल गरेका थिए । खेलको ९० मिनेटपछि इन्जुरी समयमा साउदीले थप दुई गोल खानपुग्यो । चेरसेभले खेलमा व्यक्तिगत दोस्रो गोल गरे भने अलेक्सान्डर गोलोभिनले खेलको अन्त्यमा फ्रिककबाट अर्को गोल थपे ।

तपाईको प्रतिक्रिया

Admin
झापा  
Image
Image
Image

© 2018 Sajilokhabar.com  | Powered by DreamSYS IT Solution