शिक्षा

विज्ञान प्रदर्शनीमा पाँच हजारको अवलोकन

उर्लाबारी, ७ फागुन । विद्यार्थीको सिर्जनशील क्षमताको विकास गर्ने उद्देश्यले मोरङको पथरीशनिश्चरे नगरपालिकास्थित एभरेष्ट अंग्रेजी आवासीय माध्यमिक विद्यालयले आयोजना गरेको विज्ञान प्रदर्शनीमा पाँच हजारभन्दा बढीले अवलोकन गरेका छन् ।

शनिबार र आइतबार गरी विद्यालय परिसरमा विद्यार्थीद्वारा निर्मित विज्ञान तथा कला प्रदर्शनी भएको थियो । प्रदर्शनीमा विद्यार्थीहरुद्वारा निर्मित आकर्षक स्मार्टसिटी, बोटानिकल गार्डेन, रोबोट, पानीबाट चल्ने हाइड्रोलिक जेबिबी, डोजर, विज्ञानसम्बन्धी विभिन्न सामग्री, खेती किसान र घरमा आवश्यक विभिन्न सामग्री प्रदर्शनीका लागि राखिएको थियो । प्रदर्शनीमा राखिएका मध्ये बोटानिकल गार्डेन र स्मार्टसिटी दर्शकले निकै मन पराएको विद्यालय सञ्चालक रबिन कन्दङ्वाले बताए ।

पथरीशनिश्चरे नगरपालिका र लेटाङ नगरपालिकाका–१० वटा निजी विद्यालयबाट आएका विद्यार्थी र आयोजक एभरेष्ट विद्यालयमा अध्ययनरत विद्यार्थी तथा अभिभावक गरी पाँच हजारभन्दा बढीले प्रदर्शनीको अवलोकन गरेको प्रिन्सिपल शान्तिराम तिम्सिनाले बताए । कक्षा युकेजी देखि १२ सम्मका विद्यार्थीले निर्माण गरेका सिर्जना २३ वटा स्टलमा राखिएका थिए ।

Image

नेपाल शिक्षक संगठनमा खनाल

इलाम, ५ फागुन । नेपाल राष्ट्रिय शिक्षक संगठनको ११औँ जिल्ला अधिवेशनले प्रकाश खनालको अध्यक्षतामा ३९ सदस्यीय नयाँ कार्यसमिति चयन गरेको छ । संगठनको शुक्रबार सदरमुकाममा सम्पन्न अधिवेशनबाट उपाध्यक्षमा थीरबहादुर राई र रेनुका सुवेदी, सचिवमा रूपमान सुब्बा, सहसचिवमा प्रतिमा चापागाईं र कोषाध्यक्षमा प्रकाशचन्द्र शर्मा चयन भएका. . . थप विवरण

शिक्षक नियुक्ति परीक्षा रद्द गर्न माग

ताप्लेजुङ, १ फागुन । नेकपा एमालेको भातृ संगठन युवा संघ नेपाल ताप्लेजुङले सोमबार एक विज्ञप्ति प्रकाशित गरी जिल्ला शिक्षा कार्यालय ताप्लेजुङको परीक्षा शाखामा गरिएको तालाबन्दी कायम रहने जनाएको छ । संघले जिल्ला शिक्षा कार्यालय ताप्लेजुङ समक्ष ५ सुत्रीय मागपत्र पेश गरेको छ ।
विज्ञप्तिमा मागको उचित सम्बोधन गर्न आग्रह गर्दै अन्यथा परिणामको जिम्मा आफैं लिन समेत जिशिकाको ध्यानाकर्षण गराएको छ । अस्थायी नियुक्ति प्रक्रियाको परीक्षा प्रणालीप्रति असहमति राख्दै युवा संघले अथायी शिक्षक नियुक्ति प्रक्रियालाई निश्पक्ष र धाँधलीरहित बनाउन माग गरेको छ । नियुक्ति प्रक्रिया र परीक्षा प्रणालीमा नराम्रो चलखेल भएको आरोपसहित परीक्षा शाखामा तालाबन्दी गरिएको विज्ञप्तिमार्फत जनाइएको छ ।
युवा संघका केन्द्रीय सदस्य दीपेन पोमू र जिल्ला अध्यक्ष आशिष केदेमद्वारा हस्ताक्ष्रित विज्ञप्तिमा बिभिन्न अन्य पेशामा आवद्ध भई शिक्षक पेशालाई ऐच्छिक जस्तो गर्ने शिक्षकलाई कारवाही गर्न, विषयवस्तुमा दक्षता हासिल गर्न नखोज्ने तथा कक्षाकोठामा नजाने तथा लापरबाही गर्ने शिक्षकलाई कारबाही गर्न माग गरेको छ ।
जिल्ला शिक्षा कार्यालयले २०७४ साल माघ २८ गते सञ्चालन गरेको अस्थायी शिक्षक नियुक्तिका लागि सञ्चालन गरिएको परीक्षाको खारेजी तथा सबै बिद्यालयलाई हेर्ने दृष्टिकोण एउटै बनाउन जिशिका समक्ष माग गरेको छ । उसले शिक्षा नियमावली अनुसारको दरबन्दी कायम गर्न बिद्यार्थी अनुपात बढाएर दरबन्दी थमौती गरी राज्यकोषको दोहन गरिएको भन्दै अविलम्ब यो प्रक्रिया रोक्न समेत माग गरेको छ ।

Image

आदिवासी समुदायको शिक्षामा पहुँच बढ्दै

झापा, २७ माघ । पूर्वश्रम तथा यातायात व्यवस्था सहायकमन्त्री टेकनारायण राजवंशी बाह्रदशी गाउँपालिका–१ भगुडुब्बा निवासी हुनुहुन्छ । उनी विसं २०६२ मा मन्त्री बने । उनले विसं २०२२ मा भद्रपुर ‘हाइस्कुल’बाट प्रवेशिका परीक्षा एसएलसी उत्तीर्ण गरेका थिए । एसएलसी परीक्षामा सामेल हुनेबित्तिकै राजवंशीलाई भागुडुब्बामा रहेको अमृत. . . थप विवरण
Image

गरिव विद्यार्थीको भर सामुदायिक विद्यालय

पाल्पा, २६ माघ । पाल्पा जिल्लाको तानसेन नगरपालिका–६, कुन्सरेस्थित कुन्सरे आधारभूत विद्यालय आर्थिकरुपमा विपन्न समुदायका बालबालिकाले अध्ययन गर्ने पाठशाला बनेको छ । आर्थिकरुपमा सम्पन्न अन्य समुदायका बालबालिका निजी बोर्डिङ स्कुलमा पढ्न गएपछि सामुदायिक विद्यालय जनजाति, दलित र अल्पसंख्यक समुदायका बालबालिकाको पाठशाला बन्दै गएको हो ।. . . थप विवरण
Image

डिग्री सञ्चालनका लागि पुराण

प्रयास लिम्बू ताप्लेजुङ, २४ माघ । ताप्लेजुङस्थित पाथीभरा बहुमुखी क्याम्पसमा स्नातकोत्तर (मास्टर डिग्री) सञ्चालनका लागि बुधबारदेखि ज्ञान महायज्ञ सुरु गरिएको छ । क्याम्पसको आफ्नै आर्थिक स्रोतबाट स्नातकोत्तर तहको पढाई सुरु गर्न असम्भव भएपछि जिल्लाकै पूरानो पाथीभरा बहुमुखी क्याम्पसले सप्ताह ज्ञान महायज्ञ लगाएको हो । स्नातकोत्तर. . . थप विवरण

© 2018 Sajilokhabar.com  | Powered by DreamSYS IT Solution