झापा, १९ जेठ । काँकडभिट्टामा एक लाखको नक्कली नोटसहित एक व्यक्ति पक्राउ परेका छन् ।
मेचीनगर नगरपालिका– ६ काँकडभिट्टामा रहेको नेपाल बैंक अगाडि तेह्रथुम फेदाप गाउँपालिका- २ ओयाक्जुङ बस्ने २८ वर्षीय गणेश भारती नक्कली नोटसहित पक्राउ परेका हुन् ।
भारती शंकास्पद हिडडुल गरिरहेको अबस्थामा इलाका प्रहरी कार्यालयबाट खटिएको प्रहरी टोलीले चेकजाँच गर्दा उनको साथबाट नेपाली दर नोट १ हजारको जस्तो देखिने बुङलाई रवरले बाँधेको अवस्थामा फेला परेको थियो ।
त्यस बुङलाई गन्ती गरी हेर्दा नोट नम्बर ञ.३१, ८६६५७९ उल्लेख भएको जम्मा ४२ थान, नोट नम्बर ज.१२, ०८३५७९ उल्लेख भएको जम्मा ५६ थान र नोट नम्बर झ.७६.२३८८२६ उल्लेख भएको जम्मा २ थान गरी जम्मा १ सय थान रंगिन प्रिन्ट गरिएको नोट फेला परेको प्रहरीले जनाएको छ । नक्कली नोटसहित भारतीलाई नियन्त्रणमा लिई इलाका प्रहरी कार्यालय काँकडभिट्टामा राखिएको छ ।
