काठमाडौं, २१ चैत । सर्वोच्च अदालतले नेपाल विद्युत प्राधिकरणका पूर्व कार्यकारी निर्देशक कुलमान घिसिङको रिटमा अन्तरिम आदेश दिन अस्वीकार गरेको छ।
आज न्यायाधीशद्वय कुमार चुडाल र नित्यानन्द पाण्डेयको इजलासले घिसिङलाई अन्तरिम आदेश दिन अस्वीकार गरेको हो ।
योसँगै प्राधिकरणका कार्यकारी निर्देशक हितेन्द्रदेव शाक्यलाई निर्वाध काम गर्ने बाटो खुलेको छ । इजलासले रिटलाई अग्राधिकार दिएर सुनुवाइ गर्न आदेश भने दिएको छ ।
त्यसैगरी प्राधिकरणका कार्यकारी निर्देशक शाक्यको मुद्दामा पनि अन्तरिम आदेश दिन अस्वीकार गरिएको हो ।
