झापा, १७ साउन । झापाको हल्दीबारीमा पिकअप भ्यान गाडीले मोटरसाइकललाई ठक्कर दिँदा दुई जनाको मृत्यु भएको छ।
हल्दीबारी गाउँपालिका-५ सोडागान्धी चोकस्थित हुलाकी राजमार्गमा बिहीबार साँझ पिकअप भ्यान गाडीले मोटरसाइकललाई ठक्कर दिँदा दुई जनाको मृत्यु भएको हो ।
राजगढबाट जलथलतर्फ जाँदै गरेको गरेको मे १ ज ३२६१ नम्बरको पिकअप गाडीले जलथलवाट राजगढतर्फ जाँदै गरेको मे ९ प ९६८५ नम्बरको मोटरसाइकललाई ठक्कर दिँदा मोटरसाइकलमा सवार दुवै जनाको मृत्यु भएको जिल्ला प्रहरी कार्यालय झापाका डीएसपी कृष्णकुमार चन्दले जानकारी दिनुभयो ।
दुर्घटनामा परी मृत्यु हुनेमा हल्दीबारी गाउँपालिका-५ का ३१ वर्षीय प्रेम प्रसाईँ र सुनसरी वराहक्षेत्र –१० प्रकाशपुर बस्ने २१ वर्षीय डिकेश कार्की रहेका छन् । कार्की मृतक प्रेम प्रसाईँका साला धनबहादुर कार्कीका छोरा हुन् ।
दुर्घटनामा गम्भिर घाइते दुवैको उपचारको लागि बीएण्डसी अस्पताल बिर्तामोड पठाइएकोमा उपचारको क्रममा मृत्यु भएको प्रहरीले जनाएको छ ।
