झापा, ७ असोज । झापाको हल्दीबारीमा गएराति भएको आगलागीबाट एक घर जलेर नष्ट भएको छ ।
हल्दीबारी–३ रमाईलो चोक निवासी ताराबल्लब गिरीको काठको घरमा राति अन्दाजी १ः३० बजेको समयमा भएको आगलागीबाट घर पूर्ण रुपले जलेर नष्ट भएको हो । घरमा भएको अन्नपात, लताकपडा, फर्निचरलगायत नष्ट भएको छ भने ९ वटा खसी बाख्रा जलेर मरेका छन् । त्यस्तै एउटा बाच्छो घाइते भएको छ ।
भद्रपुर र मेचीनगरबाट आएका वारुण यन्त्र , स्थानीयवासी र प्रहरीको सहयोगमा बिहान ४ बजे आगो नियन्त्रणमा आएको थियो । आगलागीको कारण थाहा हुन नसकेको प्रहरीले जनाएको छ ।
