झापा , २६ भदौ । झाापाको बिर्तामोडस्थित बसपार्क नजिकै एक महिला मृत फेला परेकी छिन् ।
बसपार्क नजिकै कान्तिपुर ड्राइभिङ सेन्टरको पछाडि परिचय नखुलेकी महिला मृत फेला परेकी हुन् । इलाका प्रहरी कार्यालय अनारमनीका अनुसार ती महिलाको मृत्यु वा हत्याबारे अनुसन्धान भइरहेको छ ।
नाम, थर र वतन नखुलेकी अन्दाजी ४० वर्षको जस्तो देखिने महिला बुधवार साँझ मृत भेटिएको प्रहरीले जनाएको छ ।
घटनाको बारे अनुसन्धान शुरु गरिएको इलाका प्रहरी कार्यालय अनारमनीका प्रहरी नायव उपरीक्षक प्रकाश विष्टले जानकारी दिनुभयो ।
