काठमाडौं, ८ असोज । साइबर अपराधको आरोपमा पक्राउ पर्नु भएका मेडिकल व्यवसायीसँग आज दुई घण्टा लामो बयान लिइएको छ ।
सरकारी वकिलको कार्यालयमा प्रसाईको बयान लिइएको हो ।
झन्डै २ घण्टा लामो बयानपछि उनलाई सरकारी वकिल कार्यलयबाट साइबर ब्यूरोले हिरासतमै फर्काएको छ ।
पक्राउ परेपछि उक्त रक्तचापले सताएपछि उनी अस्पताल भर्ना भएका थिए ।
प्रसाईंलाई आइतबार दिउँसो उनकै निवास भक्तपुरको ठिमीबाट प्रहरीले पक्राउ गरेको थियो ।
राष्ट्रिय स्वतन्त्र पार्टी केन्द्रीय सदस्य ज्वाला संग्रौलाको उजुरीको आधारमा प्रसाईलाई अदालतको अनुमति लिएर नेपाल प्रहरीको साइबर ब्यूरोले पक्राउ गरेको हो ।
उनलाई जिल्ला अदालत काठमाडौंले तीन दिन हिरासतमा राख्न अनुमति दिइसकेको छ ।
