झापा, १ भदौ । परियार सेवा समाज झापाको तेस्रो जिल्ला अधिवेशनबाट अध्यक्षमा भोला परियार सर्वसम्मत चयन हुनुभएको छ ।
झापाको दुर्गापुरस्थित दलित सामुदायिक भवनमा सम्पन्न अधिवेशनले कार्यसमितिको उपाध्यक्षमा वीर बहादुर दर्नाल, महिला उपाध्यक्षमा दिलमाया दास, सचिवमा रञ्जित परियार, सहसचिवमा प्रदीप परियार र कोषाध्यक्षमा संगिता शिवा सर्वसम्मत चयन हुनुभएको छ ।
सदस्यहरुमा सावित्रा बर्देवा, पदम प्रसाद बर्देवा,केदार शिवा, चन्द्रकला कार्कीढोली, सुरजभक्त परियार, सुवास तिखत्री, चन्द्र बर्देवा, जीवन दर्नाल, धनकुमार नेपाली, विनोद दर्नाल, सपना परियार, अञ्जु शिवा, जीवन ठटाल, हिरा परियार,रुद्र भित्रिकोटी,एकता कार्कीढोली र चन्द्रा कार्कीढोली रहनुभएको छ ।
अधिवेशनबाट टिकाराम शिवा संरक्षक र रमेश त्रिखत्री, लालबहादुर चाहार, गजेन्द्र नेपाली, कृष्ण कनाल, रुद्र बागदास, भुपाल परियार सल्लाहकार समितिमा चयन हुनुभएको छ ।। अधिवेशनले केन्द्रीय प्रतिनिधि कल्पना दर्नाल, पोशक दर्जी, प्रदेश प्रतिनिधि कैलास नेपाली, ध्रुव कनाल, पदम प्रसाद दर्नाल, रिता ठटाल शिवा चयन गरेको छ भने थप प्रतिनिधि समितिले चयन गर्ने निर्वाचन समितिका संयोजक हस्त परियारले जानकारी गराउनु भयो ।
परियार सेवा समाजको तेस्रो अधिवेशनमा विभिन्न क्षेत्रमा योगदान गरिरहेका पाँच जना परियार समाजका व्यक्तित्वहरुलाई सम्मान गरिएको छ । सहकारीकर्मी पोशक मोते, जनप्रतिनिधि तथा महिला नेतृ सावित्रा बर्देवा, पूर्वशिक्षक गजेन्द्र नेपाली, महिला अटोमेकानिक्स तथा नेतृ निर्मला परियार र सन्चार क्षेत्रमा लामो समय कार्य गरेका जुनकीरी आधारभूत बिद्यालका प्रधानाध्यापक रञ्जित परियारलाई सम्मान गरिएको हो ।
कार्यक्रमका प्रमुख अतिथि परियार सेवा समाजका कोशी इञ्चार्ज धर्म नेपालीले समुदायको हकअधिकारका लागि परियार सेवा समाज सक्रिय भएको बताउनुभयो । उहाले शिक्षा र स्वास्थ्य अधिकारका लागि सामुदायिक एकता जरुरी रहेको उल्लेख गर्नुभयो । संविधानले दिएका अधिकारको कार्यान्वयनका लागि खवरदारी गर्दै कला, सीपको संरक्षण तथा सम्वर्धनमा लाग्न उहाले आग्रह गर्नुभयो ।
तेस्रो जिल्ला सम्मेलनमा केन्द्रीय सदस्य हस्त परियार, निर्मला परियार, सदस्य सचिव गौरीमान परियार कोशी प्रदेश, सुमनसिंह परियार उदयपुर, सुर्य दर्नाल मोरङ्ग, सल्यान नेपाली सखुवासभा, खम्बसिङ्ग परियार सुनसरी, खगेन्द्र नेपाली, खगेन्द्र परियार सुनसरी, तिलक परियार सुनसरी, खड्ग कार्कीढोली बिराटनगर लगायतले सेवा समाजको बारेमा धारणा एवम् नव समितिलाई सफल कार्यकालको शुभकामना व्यक्त गर्नु भएको थियो ।
जिल्ला अध्यक्ष भोला परियारको अध्यक्षतामा सम्पन्न कार्यक्रमको सहजीकरण सचीव वीर बहादुर दर्नालले गर्नु भएको थियो ।
