काठमाडौँ, ५ चैत्र । नेपाल प्रहरीका नवनियुक्त महानिरीक्षक (आईजीपी) दीपक थापाले संगठनभित्र व्यापक सुधारको आवश्यकता रहेको बताउनुभएको छ । दर्ज्यानी चिन्ह ग्रहणपछि महानिरीक्षक थापाले उक्त सुरुवात आफैंबाट हुने बताउनुभयो ।
मुलुकमा शान्ति सुरक्षाको कार्यान्वयन र मानव अधिकारको प्रत्याभूति गर्न आफू प्रतिवद्ध रहेको पनि उहाले बताउनुभयो । महानिरीक्षक थापाले सबै सकल दर्जालाई सुधारको बाटोमा अगाडि बढ्नसमेत आह्वान गर्नुभयो ।
‘प्रहरीमा सुधार आवश्यक छ । अब त्यसका लागि साइत कुरेर बस्ने समय पनि छैन । सुधारको प्रारम्भ कोही र कसैबाट होईन, म भित्रैबाट आवश्यक छ भन्ने स्वीकार गरी अगाडि बढ्नुको विकल्प पनि छैन । यसैतर्फ अगाडि बढ्न म मेरा सहकर्मीलगायत सकल दर्जाहरुमा अनुरोध गर्न चाहन्छु । यसमा समन्वयत्मक भूमिकाका लागि म निरन्तर लागिरहने प्रतिवद्धतासमेत व्यक्त गर्न चाहन्छु,’– उहाले भन्नुभयो ।
हिजो ९सोमबार० बसेको मन्त्रिपरिषद् बैठकले थापालाई ३१औं प्रहरी महानिरीक्षकमा नियुक्त गरेको थियो । गृहमन्त्रालयमा आज आयोजित एक समारोहबीच गृहसचिव गोकर्णमणि दुवाडीले नवनियुक्त महानिरीक्षक थापालाई दर्ज्यानी चिन्ह प्रदान गर्नुभएको थियो ।
