काठमाडौं, २ वैशाख । प्रधानमन्त्री केपी शर्मा ओली र कांग्रेस सभापति शेरबहादुर देउवाबीच भेटवार्ता भएको छ । प्रधानमन्त्रीको सरकारी निवास बालुवाटारमा दुई नेताबीच आज एक घण्टा लामो भेटवार्ता भएको एमाले नेता डा. राजन भट्टराईले जानकारी दिनुभयो ।
उनकाअनुसार दुई नेताबीच सरकारलाई प्रभावकारी बनाउने विषयमा छलफल भएको छ । दुई नेताबीच एक ढिक्का भएर अघि बढ्ने समझदारी भएको छ । पछिल्लो समय विपक्षी दलका नेता पुष्पकमल दाहालले नयाँ वर्षमा नयाँ सरकार बन्ने दाबी गरेपछि राष्ट्रिय राजनीति तरंगित बनेको छ ।
यही सन्दर्भमा प्रधानमन्त्री ओलीले देउवासँग आज छलफल गर्नुभएको हो । आजमात्रै कांग्रेस महामन्त्री गगन थापाले पनि सरकारको गतिलाई प्रश्न उठाउनु भएको छ । उहाले सरकारको प्रस्तुतिलाई लिएर कडा आलोचना गर्नुभयो ।
