काठमाडौं, २७ साउन । भारतीय विदेश सचिव विक्रम मिश्री आज दुईदिने नेपाल भ्रमणका लागि आउनुहुने भएको छ ।
परराष्ट्र सचिव सेवा लम्सालको निमन्त्रणमा मिश्री आउन लाग्नु भएको हो ।
भ्रमणका क्रममा उहाँले नेपाल–भारतको सम्बन्ध विस्तार र द्विपक्षीय सहमतिका विविध विषयमा छलफल गर्ने परराष्ट्र मन्त्रालयले जनाएको छ ।
भ्रमणका क्रममा मिश्रीले राष्ट्रपति रामचन्द्र पौडेल, प्रधानमन्त्री केपी शर्मा ओली र परराष्ट्रमन्त्री आरजु राणासँग भेटवार्ता गर्ने तालिका छ । उहाँ सोमबार स्वदेश फर्कने परराष्ट्र मन्त्रालयले जनाएको छ ।
