काठमाडौं, ७ भदौ । कास्कीको पोखराबाट काठमाडौं आउँदै गरेको भारतीय पर्यटक सवार भारतीय बस मर्स्याङ्दी नदीमा खस्दा मृत्यु हुनेको संख्या १८ पुगेको छ ।
उद्वार टोलीले १८ जनाको शव फेला पारेको हो । पोखराबाट काठमाडौं आउँदै गरेको भारतीय नम्बर प्लेटको युपीएफटी ७६२३ नम्बरको बस ऐना पहरास्थित सडकबाट नदीमा खसेको थियो ।
उद्वार टोलीले १६ जनाको जीवितै उद्वार गरेको हो । बसमा कम्तीमा ४१ जना सवार रहेका बताइएको छ ।
नेपाल प्रहरी, सशस्त्र प्रहरी र नेपाली सेनाको टोलीले उद्वार गरिरहेको छ ।
