काठमाडौं, २४ वैशाख । भारतीय ब्याट्सम्यान रोहित शर्माले बुधबार टेस्ट क्रिकेटबाट सन्न्यासको घोषणा गरेका छन्। उनले यो जानकारी आफ्नो इन्स्टाग्राममार्फत दिएका हुन्।
यद्यपि, रोहित एकदिवसीय ढाँचामा भारतीय टोलीबाट खेलिरहनेछन्।
इन्स्टाग्राममा सेयर गरिएको स्टोरीमा रोहितले भनेका छन्, ‘म केवल यो भन्न चाहन्छु कि म टेस्ट क्रिकेटबाट सन्न्यास लिइरहेको छु, सेतो जर्सीमा मेरो देशको प्रतिनिधित्व गर्नु मेरा लागि ठूलो सम्मान हो।’
उनले अगाडि लेखेका छन्, ‘वर्षौंदेखि मैले पाएको माया र समर्थनका लागि सबैलाई धन्यवाद। म भारतका लागि एकदिवसीय ढाँचामा खेलिरहनेछु।’
रोहितले २०२४ को टी-२० विश्वकप जितेपछि टी-२० अन्तर्राष्ट्रिय क्रिकेटबाट सन्न्यासको घोषणा गरेका थिए।
रोहितले टेस्ट क्रिकेटमा ६७ टेस्ट म्याचको ११६ इनिङमा ४०.५७ को औसतमा ४,३०१ रन बनाएका छन्, जसमा १२ शतक र १८ अर्धशतक समावेश छन्।
