Logo
  मंसिर २०, २०७९ मंगलबार

इण्डोनेशिया भूकम्प: मृत्यु हुनेको सङ्ख्या २ सय ६८ पुग्यो



इण्डोनेशिया, ६ मंसिर । इण्डोनेशियाको पश्चिम जाभा प्रान्तमा गएको भूकम्पमा परेर मृत्यु हुनेको सङ्ख्या दुई सय ६८ जना पुगेको छ । एक सय ५१ जना अझै हराइरहेका छन् ।

राजधानी जकार्ताबाट झण्डै ७५ किलोमिटर दक्षिणपूर्वमा रहेको सियानजुर सहर नजिक केन्द्र बिन्दु बनाएर हिजो ५ दशमलव ६ म्याग्निच्युडको भूकम्प गएको हो ।

भूकम्पमा परी एक हजार भन्दा धेरै मानिस घाइते भएका बीबीसीले जनाएको छ ।

केही घाइतेको उपचारको क्रममा ज्यान गएको हो । भूकम्प प्रभावित सियानजुर वरपरका क्षेत्रका धेरै स्थानमा पहिरो खसेको, विद्यालय, अस्पताल, सार्वजनिक सुविधाका भवन भत्किएका छन् । भूकम्पमा अझै केही फसेको हुन सक्ने बताइएको छ ।

घाइतेमध्ये केहीको अवस्था गम्भीर रहेकाले मृतकको सङ्ख्या अझै बढ्ने अनुमान गरिएको छ । भूकम्पपछि २२ हजार घरमा क्षति पुगेको र कम्तीमा ५८ हजार मानिस विस्थापित भएका इन्डोनेसिया सरकारले जनाएको छ ।

प्रतिक्रिया दिनुहोस्