Logo
  माघ १७, २०७९ मंगलबार

‘सियोल भागदौडमा नेपालीहरु परेको बारे अहिलेसम्म कुनै खबर आएको छैन’



दक्षिण कोरिया, १३ कात्तिक । दक्षिण कोरियाको राजधानी सियोलमा गएराति भएको भागदौडको घटनामा नेपालीहरु परेको बारे अहिलेसम्म कुनै पनि औपचारिक खबर नआएको त्यहाँ रहेको नेपाली दूतावासले जनाएको छ ।

घटना भएको स्थान पर्यटकीय स्थल भएको र नेपालीहरुको कार्यस्थल नभएकाले पनि नेपाली श्रमिकहरु त्यहाँ पर्ने सम्भावना कम रहेको दूतावासकी काउन्सेलर रमा भट्टराईले जानकारी दिइन् । ।

‘हामीहरुले नेपालीहरु पनि पर्नुभयो कि भनेर बुझिरहेका छौं, तर अहिलेसम्म नेपाली नागरिक परेको भन्ने कुनै पनि खबर वा जानकारी आएको छैन’, उनले भन्नि, ‘कतिपयको परिचय खुलेन भनिएको छ, प्रहरीले ज्यान गुमाउनेको इन्भेस्टिगेट गरिरहनुभएको छ, दूतावासले निरन्तर अपडेट लिइरहेको छ ।’

दुर्घटना भएको स्थल सियोलको पर्यटकीय स्थल भएकाले त्यस ठाउँमा नेपालीहरु घुम्न जाने सम्भावना भने रहेको उनले बताइन् ।

शनिवार राति सियोलमा हालुविन इभ मनाउन जम्मा भएका युवायुवतीहरूको भिडमा भागदौड मच्चिएको थियो । भाडदौडमा १ सय ५१ जनाको ज्यान गएको र कयौँ जना घाइते भएको अन्तर्राष्ट्रिय सञ्चार माध्यमहरुले खबर लेखेका छन् ।

ज्यान गुमाउनेमध्ये १९ जना विदेशी नागरिक पनि रहेको खबरमा उल्लेख छ । सडकमा एक लाख जना सहभागी भएका बेलामा एक्कासी भागदौड मच्चिएको थियो ।

प्रतिक्रिया दिनुहोस्