Logo
  कार्तिक १, २०७८ सोमबार

मुस्किल समयमा शाहरुखलाई गरे फ्यानहरुले समर्थन



बलिउड अभिनेता शाहरुख खान अहिले निकै मुस्किल समयमा छन् । उनका छोरा आर्यन खान ड्रग्स केसमा पक्राउ परेका छन् । यस मुस्किल समयमा शाहरुखका फ्यानहरूले पनि उनको साथमा रहेको प्रतिक्रिया दिएका छन् । मंगलबार रातिदेखि नै ‘शाहरुखको साथमा छौं’ भन्दै ठूलो संख्यामा समर्थकहरु उनको घरअगाडि जम्मा भएका छन् ।

उनीहरुको फोटो अहिले सामाजिक सञ्जालमा भाइरल भइरहेको छ । शाहरुखको घरअगाडि बसेका फ्यानहरुसँग एउटा ब्यानर पनि छ । ‘दुनियाँको कुना–कुनाबाट तपाईका फ्यानहरुले तपाईलाई धेरै माया गर्छन् शाहरुख, यो मुस्किल समयमा हामी सबै तपाईको साथमा खडा छौं । टेक केयर किङ ।’

सामाजिक सञ्जालमार्फत पनि शाहरुखका विश्वभरका करोडौं समर्थकहरुले मुस्किल समयमा उनको साथमा रहेको प्रतिक्रिया दिइरहेका छन् ।

बलिउडकर्मी पनि शाहरुखकै साथमा

आर्यन पक्राउ पर्नासाथ बलिउडकर्मीहरुले पनि शाहरुखलाई नआत्तिन भनिरहेका छन् । उनको घरमा सबैभन्दा पहिले सलमान खान पुगेका थिए । त्यसपछि सलमान खानका दुबै बहिनी शाहरुखसँग भेट्न उनको घरमा पुगे । यसबाहेक सुनिल सेट्टी, सुचित्रा कृष्णमुर्ती, विवेक वासवानी, सिकंदर खेर, महीप कपुर, हंसल महेतालगायत स्टराहरुले शाहरुखको साथमा रहेको दिइसकेका छन् ।

शाहरुखका छोरा आर्यन बिहीबारसम्म प्रहरी हिरासतमा रहनेछन् । मुम्बईबाट गोवातर्फ गइरहेको एक जहाजमा चलिरहेको रेव पार्टीमा नारकोटिक्स कन्ट्रोल ब्युरोले आइतबार छापा मारेको थियो, त्यसक्रममा आर्यन र अन्य आठजना पक्राउ परे । छानविनकै क्रममा आर्यनले विगत चार वर्षदेखि आफुले ड्रग्स लिइरहेको बयान दिएका छन् ।

प्रतिक्रिया दिनुहोस्