झापा, ११ भदौ । छोरीलाई करणी गरी गर्भवती बनाउने एकजना झड्केलो बुबा झापाको बुद्धशान्तिमा पक्राउ परेका छन् । आफैले पालनपोषण गरेको १४ वर्षीया नाबालिकालाई करणी गरी गर्भवती बनाउने झड्केलो ४१ वर्षका बुबा पक्राउ परेका हुन् ।
प्रहरीले पीडित र पीडकका बारेमा थप खुलाएको छैन । गर्भवती हुने नाबालिकाको कोही पनि आफन्त छैनन् । नाबालिकालाई तिनै झड्केलो बुबाले सानैदेखि पालेका थिए ।
बलात्कृत नाबालिकालाई सेफ हाउसमा राखिएको र घटनामा संलग्न झड्केलो बुबालाई पक्राउ गरी आबश्यक कार्वाही अघि बढाइएको जिल्ला प्रहरी कार्यालय झापाले जनाएको छ ।
