काठमाडौं, १७ चैत । राजसंस्था पुनर्स्थापनाको लागि संयुक्त जनआन्दोलन समितिका जनकमाण्डर दुर्गा प्रसाईं सम्पर्कविहीन भएपछि संस्कृतिविद् डा। जगमान गुरुङलाई आन्दोलनको नेतृत्व गर्ने कार्यवहाक जिम्मेवारी दिइएको छ।
संयुक्त जनआन्दोलन समितिका संयोजक नवराज सुवेदीले आइबार एक विज्ञप्ति जारी गर्दै राजसंस्था पुनर्स्थापनाको लागि संयुक्त जनआन्दोलन समितिको कार्यवाहक नेतृत्व गुरुङलाई दिएको जानकारी दिनुभएको हो।
संयोजक सुवेदीले आफू नजरबन्दामा रहेको भन्दै गुरुङले आन्दोलनको नेतृत्व गर्ने जनाउनुभएको हो। उहाले आन्दोलन जारी राख्न आह्वान समेत गर्नुभएको छ । शुक्रबार राजावादीको आन्दोलनमा हिंसात्मक भएपछि दुर्गा प्रसाईं भूमिगत भएका छन्।
सो आन्दोलनमा दुई जनाको ज्यानसमेत गएको थियो। प्रसाईंलाई प्रहरीले खोजी गरिरहेको छ। सो आन्दोलनमा सहभागी भएका राप्रपा उपाध्यक्ष रवीन्द्र मिश्र, महामन्त्री धवलसमशेर राणालगायत पक्राउ परिसकेका छन्।
