झापा, १४ असोज । झापाको बिर्तामोडमा भएको मोटरसाइकल दुर्घटनामा परी चालकको मृत्यु भएको छ ।
बिर्तामोड– १० ठुटेबरमा गए राती बिर्ताबजारबाट सैनिकबजारतर्फ जाँदै गरेको प्र१–०१–०१२ प ५८९१ नम्बरको मोटरसाइकल बिपरित दिशाबाट आउँदै गरेका साइकलयात्रीलाई जोगाउने क्रममा आफै अनियन्त्रित भई दर्घटना भएको थियो ।
दुर्घटनामा मोटरसाइकल चालक बिर्तामोड– १० बस्ने २७ वर्षीय अनिस न्यौपाने गंभीर घाइते भएका थिए । टाउको र खुट्टमा चोट लागेका न्यौपानेको बीएण्डसी हस्पिटलमा उपचारको क्रममा आज दिउँसो मृत्यु भएको जिल्ला ट्राफिक प्रहरी कार्यालय झापाले जनाएको छ ।
मोटरसाइकलमा पछाडी सवार सोही ठाउँका टिकाराम राय घाइते भएका छन् । सामान्य अबस्थाका उनको बीएण्डसी अस्पतालमै उपचार भइरहेको छ ।
