मेचीनगर, ७ भदौ । अखिल नेपाल राष्ट्रिय स्वतन्त्र विद्यार्थी युनियन मेचीनगर कमिटीले डान्स मेचीनगर प्रतियोगिता आयोजना गर्ने भएको छ ।
अनेरास्ववियुले भदौ ९ गते बिहीबार धुलाबारीस्थित पासाङ ल्हामु टाउन हलमा अन्तर माध्यमिक विद्यालयस्तरीय नृत्य प्रतियोगिता गर्ने भएको हो ।
उक्त प्रतियोगितामा झापा क्षेत्र नम्बर १ का विद्यालयका विद्यार्थीहरुको सहभागिता रहने अनेरास्वविय मेचीनगर कमिटीका उपाध्यक्ष इश्वर रिजालले जानकारी दिए ।
सोही अवसरमा स्थानीय तथा राष्ट्रिय कलाकारहरुको समेत प्रस्तुती रहने अनेरास्वविय मेचीनगर कमिटी अध्यक्ष विरु मेचेले बताए ।
