Logo

आईपीएल: राजस्थानलाई सुपर ओभरमा हराउँदै दिल्ली शीर्ष स्थानमा



काठमाडौं, ४ वैशाख । रोमाञ्चक खेलमा राजस्थान रोयल्सविरुद्ध सुपर ओभरमा जित निकाल्दै दिल्ली क्यापिटल्स इन्डियन प्रिमियर लिग (आईपीएल)को शीर्ष स्थानमा उक्लिएको छ ।

बुधबार अरुण जेट्ली रंगशालामा भएको खेलमा टस हारेर पहिले ब्याटिङमा आएको दिल्लीले निर्धारित २० ओभरमा पाँच विकेट गुमाएर १८८ रनको योगफल खडा गरेको थियो ।

१८९ रनको लक्ष्यसहित मैदान उत्रिएको राजस्थानले २० ओभरमा चार विकेट गुमाएर १८८ रन बनाएपछि खेल सुपर ओभरमा पुगेको हो ।

सुपर ओभरमा राजस्थानले पहिले ब्याटिङ गर्दै ११ रन बनाएको थियो । जसलाई दिल्लीले चार बलमा परा गरेको थियो ।

प्रतियोगितामा दिल्लीको यो पाँचौँ जित हो । जितसँगै शीर्ष स्थानमा उक्लिएको दिल्लीले ६ खेलबाट १० अंक जोडेको छ । तालिकाको आठौँ स्थानमा रहेको राजस्थानको भने यो पाँचौँ हार हो । सात खेल खेल्दा राजस्थानले चार अंकमात्र जोडेको छ ।

प्रतिक्रिया दिनुहोस्