मेष(चू,चे,चो,ला,लि,लू,ले,लो,अ)
काम खर्चिलो हुनाले कर्जा बढ्नेछ। अवसरको खोजीमा केही दौडधुप गर्नुपर्ला। तापनि उपलब्धिमूलक यात्रा गर्ने प्रक्रिया अघि बढ्न सक्छ। टाढाका साथीभाइसँग आत्मीयता बढ्नेछ। विदेश भ्रमणका लागि प्रयत्न गर्ने समय छ। फाइदाका पछि लाग्दा धनमाल गुम्न सक्छ। काम बीचैमा रोकिनाले दोहोर्याएर प्रयत्न गर्नुपर्ला।
वृष(ई,ऊ,ए,ओ,वा,वी,वू,वे,वो)
वादविवादमा अलमलिनुपर्दा सुरुमा बाधा पुग्नेछ। लेनदेन तथा हिसाबकिताबमा होसियार रहनुहोला। अपराह्नतिर स्थितिमा सुधार आउनाले फाइदा हुनेछ। आवश्यक भौतिक साधन जुट्नेछन्। व्यापारलगायत आर्थिक लाभ हुने काम प्रारम्भ हुनेछ। रमाइलाे यात्राकाे साइत पनि जुर्न सक्छ। मिहिनेतले राम्रै उपलब्धि दिलाउनेछ।
मिथुन (का,की,कू,घ,ङ,छ,के,को,हा)
बुद्धिको उपयोगले मात्र लक्ष्य पहिल्याउन सकिनेछ। समयको मागलाई ध्यान दिन नसक्दा पछि परिनेछ। अपराह्नतिर स्थिति अनुकूल बन्नेछ। प्रतिस्पर्धीलाई उछिन्दै आम्दानी बढाउन सकिनेछ। रचनात्मक कार्यले फाइदा दिनेछ। आफ्नो क्षेत्रमा अधिकार जमाउन सफल भइनेछ। दिगो फाइदा हुने काम प्रारम्भ हुनेछ।
कर्कट (ही,हू,हे,हो,डा,डी,डु,डे,डो)
कामका लागि साइनाे गाँस्नेहरूबाट सजग रहनुपर्ला। अरूकाे आक्षेप सहनुपर्ने हुन सक्छ। घरेलु समस्याले निराश तुल्याउनेछ। अस्वस्थताले कमजोर भएको अनुभूति हुनेछ। काममा केही अलमल तथा ढिलासुस्ती हुन सक्छ। देखेकाे विषयमा बोल्ने बानीले बित्थैमा दुःख पाइनेछ।
सिंह (मा,मी,मू,मे,मो,टा,टी,टू,टे)
साथीभाइकाे सहयाेग जुट्नाले चिताएकाे काम सम्पादन हुनेछ। प्रक्रिया नमिल्नाले कुनै काम भने दोहोर्याउनुपर्ने हुन सक्छ। प्रतिस्पर्धामा उत्रनुपर्ला। प्राथमिकताका आधारमा काम गर्न नसक्दा पछि परिनेछ। साँझतिर आफन्त टाढिने डरले सताउनेछ। पहिले दिएको वचनले अप्ठ्यारो पार्न सक्छ।
कन्या (टो,पा,पी,पू,ष,ण,ठ,पे,पो)
बेसुरमा वचन दिने बानीले पनि अप्ठ्यारो पर्न सक्छ। निर्णायक मोडमा दुविधा उत्पन्न हुने समय रहेकाले सुझबुझका साथ काम लिनुहोला। योजनाबिनै यात्रा गर्नुपर्ने आवश्यकता पर्न सक्छ। आम्दानी राम्रो भए पनि सुविधाका लागि खर्च बढ्न सक्छ। अनावश्यक वादविवादमा अघि नसर्नुहोला।
तुला (रा,री,रु,रे,रो,ता,ती,तू,ते)
परिश्रमका तुलनामा प्रतिफल कम देखिनेछ। खर्च तथा विवाद बढ्ने समय रहेकाले महत्त्वाकांक्षी योजनामा अघि नबढ्नुहोला। दिउँसाेतिर केही विवादास्पद कामकाे जिम्मेवारी आउन सक्छ। बाेली–व्यवहारमा संयम रहनुपर्ला। पेसा–व्यवसायमा त्यति फाइदा नहुन सक्छ। परिस्थितिले अप्ठ्यारा चुनौतीहरूसँग सम्झौता गराउन सक्छ।
वृश्चिक(तो,ना,नी,नू,ने,नो,या,यी,यू)
बेलैमा होस नपुग्नाले केही चुनौती समेत झेल्नुपर्ला। समय दिन नसक्दा काम रोकिन सक्छ। लगानी बढाउनुपर्ने बाध्यात्मक परिस्थिति आउन सक्छ। दिउँसाेदेखि आफन्तसँग भेटघाट हुनेछ। तर अप्ठ्यारा काममा हातहाल्दा समस्या पर्नेछ। कमजोर मानसिकताले पनि पछि परिने सम्भावना छ।
धनु (ये,यो,भा,भी,भू,ध,फा,ढा,भे)
श्रमको उचित मूल्यांकन हुनेछ भने गरेका कामबाट सामान्य लाभ मिल्नेछ। सानाे प्रयत्नले ऋणमोचन हुने सम्भावना छ। दिउँसाेतिर खर्चिलाे काम सुरु हुनेछ र धनसंग्रहमा बाधा पुग्नेछ। तापनि लगनशील बन्दा नियमित काम सम्पादन गर्न सकिनेछ। टाढाका साथीभाइको निम्तो प्राप्त हुनेछ।
मकर (भो,जा,जी,जू,जे,जो,ख,खी,खू,खे,खो,गा,गी)
मिहिनेत गर्दा कार्यसिद्धिको समय छ। राम्रो कर्मफल प्राप्त हुनाले मन प्रसन्न रहनेछ। सामाजिक नेतृत्व हातलागी हुनेछ। व्यापारमा पनि राम्रै फाइदा हुनेछ। दिउँसाेदेखि नयाँ काम बन्नेछ भने पेसा–व्यवसायमा थप फाइदा हुनेछ। आम्दानीका नयाँ स्रोत फेला पार्न सकिनेछ। मिहिनेतको उपलब्धि प्राप्त हुनेछ।
कुम्भ (गू,गे,गो,सा,सी,सू,से,सो,दा)
प्रतीक्षित नतिजा कमजाेर देखिएला। बाध्यात्मक परिस्थितिले अलमल्याउन सक्छ। अरूकाे फाइदाका लागि उपयाेग भइने समय रहेकाले सावधान रहनुहाेला। दिउँसाेदेखि स्थितिमा सुधार आउनुकाे साथै राेकिएकाे काम सम्पादन हुनेछ। भेटघाट र किनमेलमा रुचि बढ्नेछ।
मीन (दी,दू,थ,झ,ञ,दे,दो,चा,ची)
विभिन्न अवसर प्राप्त भए पनि काममा अरूको मुख ताक्नाले पछि परिनेछ। विशेषतः सरकारी कामकाजमा केही अलमल हुन सक्छ। तापनि पहिलेको सफलताले हौसला जगाउनेछ। बिछोडिएका आफन्तजन भेटिनेछन्। प्रतिष्ठित काम गर्ने अवसर प्राप्त हुनेछ। मिहिनेतले सम्मानित स्थानसमेत दिलाउनेछ।
राशिफल जे जस्तो भएपनि तपाईंको दिन मङ्गलमय रहोस् ।
