बेलायत, ५ भदौ । इङ्ग्लिस प्रिमियर लिग फुटबलमा आर्सनलले लगातार तेस्रो जित निकालेको छ ।
गएराति भएको खेलमा बर्नमाउथलाई ३-० गोलले हराउँदै आर्सनल शीर्ष स्थानमा पुगेको छ ।
आर्सनलका कप्तान मार्टिन ओडेगार्डले दुई गोल गरे । यस्तै विलियम सालिबाले एक गोल थपे । खेलको पाँचौँ मिनेटमा ओडेगार्डले गोल गर्दै आर्सनललाई सुरुआती अग्रता दिलाएका थिए । उनले खेलको ११ औँ मिनेटमा एक गोल थपेका थिए ।
त्यस्तै खेलको ५४ औँ मिनेटमा सालिबाले गोल गरेपछि आर्सनल ३-० गोलले विजयी भयो । आर्सनलले ३ खेलमा ९ अङ्क जोडेको छ ।
