काठमाडौं, ११ असार । अमेरिकाले गरेको आक्रमणमा इरानको आणविक केन्द्रहरू नष्ट नभएको इरानी अधिकारीहरुले बताएका छन् ।
आणविक केन्द्रमा भएको आक्रमणले केही भौतिक क्षति गरे पनि पूर्णरुपमा नष्ट गर्न नसकेको गुप्तचर निकायले गरेको अनुसन्धानले देखाएको छ ।
बीबीसीका अनुसार पेन्टागनको रक्षा गुप्तचर एजेन्सीले गरेको प्रारम्भिक क्षति मूल्याङ्कनको विवरणले अमेरिकी आक्रमणका कारण इरानको विकास महिनौंअघि धकेलिएको निस्कर्ष निकालेको छ । तर अमेरिकाले यो मूल्याङ्कन पूर्ण रूपमा गलत भएको र राष्ट्रपति ट्रम्पलाई अपमान गर्ने स्पष्ट प्रयास भएको बताएको छ ।
यसअघि अमेरिका र इजरायलले इरानका प्रमुख आणविक स्थलहरू अराक, नताञ्ज र इस्फहानमा ध्वस्त पारेको र फोर्दोमा रहेको भूमिगत प्रशोधन केन्द्रलाई नष्ट गरेको दाबी गरेका थिए ।
यसैबीच, इजरायल र इरानबीच भएको युद्धविराम दुवै देशले स्वीकार गरेका छन् । तर इजरायलले इरानमाथिको आक्रमण रोकेको छैन ।
इरान आक्रमणबाट पछि हट्नु इजरायलका प्रधानमन्त्री बेन्जामिन नेतान्याहूले आफ्नो देशको लागि ऐतिहासिक विजय भएको दाबी गर्नुभएको छ भने इरानका राष्ट्रपतिले मासाउद पेजेस्खिनले इरानका नागरिकको पहलमा १२–दिने युद्धको अन्त्य गर्न सफल भएको प्रतिक्रिया दिनुभएको छ ।
अमेरिकी राष्ट्रपति डोनाल्ड ट्रम्प इजरायलले युद्ध विराम उल्लङ्घन गरेको भन्दै रुष्ट हुनुभएको खबरमा उल्लेख छ ।
