काठमाडौं, १४ फागुन । नेपाल अन्तर्राष्ट्रिय महिला फुटबल प्रतियोगिताको उपाधि जित्नबाट चुकेको छ ।
आज त्रिपुरेश्वरस्थित दशरथ रंगशालामा भएको फाइनल खेलमा नेपाल म्यानमारसँग पराजित भएको हो । नेपालले म्यानमारसँग २–० गोलको हार बेहोर्यो ।
म्यानमारले ६२ औँ मिनेटमा गोल गर्दै अग्रता कायम गरेकामा लगत्तै फेरि दुई मिनेटमै दोस्रो गोल गर्दै दोब्बरको अग्रता बनाउन सफल भएको थियो ।
त्यसपछि दुवैतर्फबाट गोल हुन नसक्दा नेपाल फेरि एकपटक उपविजेतामा सिमित हुन पुग्यो ।
नेपालले धेरै पटक गोल गर्ने अवसर पाए पनि गोल निकाल्न सकेन । फिनिसिङमा चुक्दा नेपालले कुनै पनि गोल गर्न सकेन । योसँगै पछिल्लो एक वर्षमा नेपाल तेस्रो पटक फाइनलमा असफल भएको छ ।
