काठमाडौँ, २० चैत । नेकपा (एकीकृत समाजवादी) ले प्रतिनिधिसभाको प्रमुख सचेतकको जिम्मेवारी सांसद मेटमणि चौधरीलाई दिइएको छ ।
सोमबार बसेको संसदीय दलको बैठकबाट पूर्वमन्त्री समेत रहेका चौधरीलाई प्रमुख सचेतकको जिम्मेवारी दिने निर्णय गरिएको जनाइएको छ ।
प्रमुख सचेतकको जिम्मेवारीमा यसअघि सांसद प्रकाश ज्वाला थिए । उनी भौतिक पूर्वाधार तथा यातायातमन्त्री बनेपछि चौधरीलाई प्रमुख सचेतकको जिम्मेवारी दिइएको हो । चौधरी दाङ क्षेत्र नम्बर-१ बाट निर्वाचित सांसद हुन् ।
