काठमाडौं, २२ कार्तिक । बिहीबार सुनको भाउ ह्वात्तै घटेको छ ।
गत मंगलबार खुलेको बजारमा सो दिन सुनको भाउ तोलामा २ हजार ८ सयले घटेको भएपनि बुधबार भने तीन सयले बढेको थियो । आज एकैदिन चार हजारले घटेको छ ।
बुधबार १ लाख ६८ हजार ५ सय रुपैयाँमा कारोबार भएको सुन आज १ लाख ६४ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यस्तै आज चाँदीको भाउमा पनि गिरावट आएको छ । बुधबार २ हजार १५ रुपैयाँमा कारोबार भएको चाँदी आज भने तोलाको ५५ रुपैंयाँले घटेर १ हजार ९६० रुपैयाँमा कारोबार भइरहेको महासंघले जनाएको छ।
