काठमाडौँ, २५ साउन । नेपाली कांग्रेसको संसदीय दलको समितिको बैठक बस्दै छ ।
पार्टी सभापति तथा दलका नेता शेरबहादुर देउवाले संसदीय दलको समिति बैठक आजै अपराहन्न चार बजेका लागि बोलाएका हुन् ।
बैठकमा पछिल्लो समय एमालेले अवरोध गर्दै आएको सदन अवरोधको अन्त र समसामयिक राजनीतिक विषयमा कुराकानी हुने बताइएको छ ।
समितिमा नेता देउवासहित, महामन्त्रीद्वय गगनकुमार थापा र विश्वप्रकाश शर्मा, प्रमुख सचेतक रमेश लेखक र सचेतकमा सुशीला थिङ छन् ।
पछिल्लो समय एमालेले १०० किलो सुन तस्करी काण्डमा उच्चस्तरीय छानविन समित गठन गर्नुपर्ने भन्दै संसदमा अवरोध गर्दै आएको छ । तर, यस विषयमा सरकार र सत्तापक्षा दलहरूले भने सुन प्रकरणको छानविन सिआइवीलाई छानविन गर्न दिइसकेको हुनाले यस विषयमा एमालेले किचलो गर्न नमिल्ने बताउँदै आएको छ ।
