काठमाडौँ, २ जेष्ठ । काठमाडौँ महानगरपालिकाको मेयरमा स्वतन्त्र उम्मेदवार बालेन साहको अग्रता कायमै छ ।
सुरुदेखि नै अग्रता बनाएका बालेनले दोस्रो स्थानमा रहेका नेकपा एमालेका केशव स्थापितसँग २५ सयभन्दा बढी मतान्तर बनाएका छन् ।
१४ हजार ६११ मतगणना हुँदा बालेनले पाँच हजार ६६५ मत ल्याएका छन् । स्थापितले तीन हजार ४६ मत पाएका छन् ।
त्यस्तै नेपाली कांग्रेसकी सिर्जना सिंहको २ हजार ६४० मत रहेको छ ।
त्यसैगरी, उपमेयरतर्फ एमालेकी सुनिता डंगोलको अग्रता कायमै छ । उनले पाँच हजार ८४४ मत ल्याएकी छन् ।
