काठमाडौं, ८ मंसिर । देशका केही स्थानमा आज हिमपात र वर्षाको सम्भावना रहेको जल तथा मौसम विभागले जनाएको छ ।
विभागका अनुसार दिउँसो कोसी र गण्डकी प्रदेशको पहाडी तथा हिमाली भू-भागमा आंशिक बदली रहनेछ । बाँकी भू-भागमा मौसम मुख्यतया सफा रहनेछ ।
कोसी प्रदेशको हिमाली भू-भागको एक/दुई स्थानमा हल्का वर्षा र हिमपातको सम्भावना छ । विभागले राति कोसी प्रदेशको पहाडी तथा हिमाली भू-भागमा आंशिक बदली रहने बताएको छ । बाँकी भूभागमा मौसम मुख्यतया सफा रहनेछ ।
हाल देशभर कुनै उल्लेखनीय मौसम प्रणालीको प्रभाव नरहेको विभागको भनाइ छ ।
