बेलायत, ७ पुस । म्यानचेस्टर सिटीले फिफा क्लब विश्वकप फुटबलको उपाधि जितेको छ ।
गएराति साउदी अरबमा भएको फाइनलमा ब्राजिलियन क्लब फ्लुमिनेन्सलाई ४-० गोलले हराउँदै सिटीले पहिलो पटक यो उपाधि जितेको हो ।
सिटीको जितमा जुलियन अल्भारेजले २ तथा फिल फोडेनले १ गोल गरे । उसले थप १ गोल उपहार पाएको थियो ।
योसँगै सिटीले सन् २०२३ मा पाँच वटा उपाधि जित्न सफल भएको छ । सिटीले यसअघि प्रिमियर लिग, एफए कप, च्याम्पियन्स लिग र सुपर लिगको उपाधि जितेको थियो ।
