झापा, ९ वैशाख । नेपाल खेलकुद पत्रकार मञ्च झापाको अध्यक्षमा इन्द्रजित मुखिया सर्वसम्मत चयन भएका छन् ।
आज बिर्तामोडमा सम्पन्न जिल्ला समन्वय शाखाको तेस्रो अधिवेशनले पत्रकार मुखियालाई अध्यक्षमा सर्वसम्मत चयन गरेको हो ।
यस्तै, मञ्चको उपाध्यक्षमा प्रेम आचार्य, सचिवमा चीरञ्जीवि घिमिरे, सहसचिवमा भूमिका सुब्वा र कोषाध्यक्षमा प्रकाश बानियाँ सर्वसम्मत चयन भएका छन् ।
त्यसैगरी, सदस्यहरुमा रोहित काफ्ले, तीर्थ तिम्सिना, विष्णु श्रेष्ठ, तिलक योञ्जन, नारायण अर्याल र आयुष निरौला चयन भएका हुन् ।
मञ्चका झापा अध्यक्ष हिमाल खरेलको अध्यक्षतामा भएको उद्घाटन सत्रको प्रमुख अतिथि कोशी प्रदेश खेलकुद बोर्डका उपाध्यक्ष जीना कार्की रहेकी थिइन् ।
उक्त अवसरमा प्रमुख अतिथि कार्की, जिल्ला खेलकुद विकास समितिका अध्यक्ष भेषराज भण्डारी, नेपाल खेलकुद पत्रकार मञ्चका केन्द्रीय महासचिव प्रज्वल ओली, भद्रपुर झापा गोल्डकपका अध्यक्ष दीपेश ढकाल, झापा जिल्ला उसु संघका अध्यक्ष राजेन्द्र घिमिरे, नेपाल पत्रकार महासंघ झापाका अध्यक्ष एकराज गिरी लगायतले शुभकामना मन्तव्य व्यक्त गरेका थिए ।
मञ्चका उपाध्यक्ष अमित खम्बूले मन्तव्यबाट स्वागत गरेको कार्यक्रमको सञ्चालन सचिव अर्जुन राजवंशीले गरेका थिए ।
