गुल्मी, २८ असार । गुल्मीमा चट्याङ लागेर १५ वर्षीया किशोरीको ज्यान गएको छ ।
मुसीकोट नगरपालिका वडा नम्बर १ को नेटा सिम्लेका बेगबहादुर बलालकी छोरी टीका बलालको चट्याङ लागेर ज्यान गएको हो ।
बुधबार बेलुका आफ्नै घरमा बसिरहेको बेला चट्याङ लाग्दा घाइते भएकी उनको उपचारका क्रममा ज्यान गएको जिल्ला प्रहरी कार्यालय गुल्मीका प्रमुख प्रहरी उपरीक्षक नवीन किशोर प्रधानले जानकारी दिए ।
टीकालाई उपचारको लागि बाग्लुङको बुर्तीबाङ प्राथमिक स्वास्थ्य केन्द्रमा लगिएको थियो ।
