काठमाडौँ, ५ साउन । चलचित्र ‘हामी तीन भाइ’ मुख्य अभिनेतृका रूपमा रङ्गकर्मी लक्ष्मी बर्देवा अनुबन्धित भएकी छन् । चलचित्र निर्माण युनिटले बुधबार उनलाई चलचित्रमा प्रवेश गराएको हो ।
मधुसूदन भट्टराईको निर्देशन रहने चलचित्रको केही दिन अगाडि गोर्खाको मनकामना मन्दिर शुभमुर्हूत गरिएको थियो । चलचित्रको छायाङ्कन साउन १० गतेबाट सुरु हुँदै छ ।
लक्ष्मीसँगै चलचित्रमा विनोद न्यौपाने, कुशल विष्ट, जाहान्वी बस्नेत, राजाराम पौडेल, रवीन्द्र झा, विष्णु सापकोटा ‘हर्के हवल्दार’, दीपक बिडारी, फलित राई, तारा शर्मा, भुवनकुमार काफ्ले, नयन कला फुयाँल र पवन केसी कलाकारका रूपमा रहनेछन् । निर्देशक भट्टराईको कथा रहने छ भने चलचित्रको पटकथा तथा संवाद शिवम् अधिकारीले लेखेका छन् ।
